حالة هذيان .. صمت رهيب
وخوف من الوحده.. يصعب علي تحمل العبء
اشعر بضيق وأختناق
اتصلت بي حاولت تكرار الأتصال وأخيراً قررت ان ارفع هاتفي
اتاني صوتهامليء بالدفء والحنان طالما ارادت ان تقترب مني
وان تعيش صمتي طالما ارادت ان تؤنس وحدتي ولكنني دوماً
أحاول الهروب من الجميع
نوره: ملاك وش اخبارك..؟
ملاك: الحمدالله ماشي الحال
نوره: كيفكم وكي الأهل وبشريني عنك عسى احسن من عقب ماتعبتي
ملاك: الحمدالله ابشرك تحسنت
نوره: خوفتينا عليك والله حرام عليك ليش تسوين بنفسك كذا..؟
ملاك: انا وش سويت لاتظلموني
نوره: يابريئه انتي كل هذا وماسويتي شي يبيلك ضرب تصدقين
ملاك: ههههههههههههه ومين بيضربني بسمح لأنسان واحد تدرين مين..؟
نوره: مين بسرعه علميني
ملاك: نوافي فديت قلبه والله انبسطت انو نام عندي غير لي جوي وطلعت معاه
ومشيته نساك انتي وأبوه
نوره: ملاك انتي فيك شي
ملاك: لا مافيني ولا شي كأني البخت على قولة مادري مين
نوره: انتي تحاولين تبيين انه مافيك شي بس فيك صح
ملاك: نوره ابي ارووح اخذ عمره
احسست بعبره احسست بأنفاس مخنوقه
نوره: ان شاءالله ربي بيكتب لك قريب هالعمره بس ليش بالذات هالوقت
ملاك: لاتسأليني لأن ماعندي جواب
نوره: ومتى هالجواب بنسمعه
ملاك: بوقته يناس بوقته
نوره : تقهرين
ملاك: مو جديد ادري لو ماأقهركم كان ماحبيتووني لاتعصبين والله اتووب
نوره : ملاك اكثر شي يعجبني فيك تدرين وشو
ملاك: ادري بس قولي
نوره: قوة تحملك وكتمك للأسرار
ملاك: وانتي نوره تدرين وش يعجبني فيك
نوره: قوولي يافيلسوفة زمانك
ملاك : احم احم اش اسكتي عمة ولدك بتحكي
نوره : قوولي ترى بجلدك
ملاك: انك انسانه طيبه انسانه .................. <<< خصوصيات عائليه
يالله نوره طولنا على بعض انا مشغوله تامرين شي
نوره: سلامتك بس انتبهي لعمرك وامانه تاكلين زين اذا لي خاطر عندك
ملاك: لاحووول الله انتم وش فيكم تبوون تذبحوني من هلأكل
انتي وبابا وكلكم كلي وكلي خلاص باكل كل الي بالثلاجه شي ثاني عمتي
نوره : سلامتك يالغلا فمان الله
اغلقت سماعة الهاتف وشعرت بقليل من الراحه
ولكن ماأن عشت لحظات حتى رجعت لحالة هذياني وصمتي
حالة اكون فيها مغمضه عيناي في عالم أخر ليس قريب
عالم فيه ارسم كلمات واحكي قصة باتت حلم مقتول
قصة اعيش تفاصيلها مع قلب وقلم ملاك
نسيت اعرفكم اللأتصال الذي دار بيني وبين نوره
زوجة اخي هي الأخرى بدأت تكتشف ملامحي
كثيرون هم من بدأت تنقشع امامهم شمس الحقيقه
رباه ماذا ستكون ردة الفعل
مـ الشوق ـلاك
العرض الشجري
