الله يعافيك حوبي
ومشكوره ع التثبيت
ولعيونك ننزل 3 اجزاء
الجزء التاسع عشر والجزء العشرون:
ام زيد:يمه محمد متى بتدخل دورتك؟؟؟عشان تجهز اختك اغراضك؟؟!!!
محمد:يوم الجمعه الجايه يالغاليه..وجاء بيطلع لكنه وقف وقال:ايه يمه قبل لاانسى ترى سعد واخته بيتغدون عندنا وبيخلي اخته هنا..عنده دوره اسبوع في مكه..انا وفايز بنجلس في المجلس عشان مانحرجها..يالله ياعجوز انا بطلع الحق على الصلاه..!!!!!!!!!!!!!
ام زيد ولعت من ولدهااللي بيموت ومايخلي حركاته:اقطع واخس..كم مره قايلة لك لا تقولي عجوز ...؟انت ماتفهم؟؟؟!!!
محمد متقطع من الضحك من موقف امه اللي واضح انها معصبه من قلب:حقس علي يا"صبيه"وضحك ثم طلع..!!!!!!!!!!!!!!!!!!!!!!!!!
هند: وش عندها مرت اخوي كاشخه؟؟؟؟؟؟؟لا وتسوي حلى بعد..!
نوره تناظرها بنص عين:تصدقين هنوده انتي حلوه بس لو الله يفكس من لسانس تغدين مابه ازين منس..وش عندي بعد...ماعندي شيء اصلاً انا من يوم يومي ذوق ولا عندس شك؟؟؟؟؟؟؟؟!!!!!!!!!!!!!!!!!!!!!!!!
هند: الصراحه لا ماعندي..بس ...بس من يوم ماماتت عمتي الله يرحمها ماكشختي الا اليوم!!!اقصد يعني وش سر ذا التغيير؟؟؟؟؟؟؟؟؟!!!!!!!!!!
........انتي بالذات مالس دخل في مرتي..يااختي ناشبة فيها تقولين علك..
جلست هند تضحك على اسلوب زيد اللي دخل وهو يهاوش..بينما نوره ساكته ماقالت شيء...واضح ان هند جايبة له الضغط..
هند: كذا يعني قلبتوا الطاوله علي..خلاص اجل الله يهني سعيد بسعيده..وطلعت وبقى زيد مع نوره في المطبخ بالحالهم..جلست نوره منزله راسها وتناظر في الصينيه اللي بدت تصب فيها الخليط..قام جاء زيد ورفعه وجلس يبحلق فيها بعدين قال:على فكره مهب حلوه كشختس..وطلع وخلاها مصدومه من اللي قاله...!!!!!!!!!!!!!!!!!!!!
هين يازيد الحين صرت مهب حلوه..ومهيب كشخه..الحين ماعدت اعجبك...مسوي فيها زعلان بعد..اجل خلك زعلان وعساك ماترضى بعد..تحقرني والله مااطوفها لك وانا نوره...!!!!!!(قول وفعل والله)
الساعه وحده الظهر جاء سعد واخته ودخلوا سيارتهم في البيت ونزلت مزنه وراحت تدخل من مدخل النساء..اما سعد واجهه فايز ودخلوا المجلس..
محمد كان يشرب ماءفي المطبخ ويطل مع الدريشه على الحوش وشاف المره اللي جايه بشنطتها على طول عرف انها مزنه..نزّل الكاس بسرعه وراح صوب مدخل النساء وفتحه وسوى نفسه مايدري ان فيه احد يبي يدخل..ومشى بقوه خلت مزنه تلصق في الجدار من الروعه..
مزنه بصوت واطي:وجع ان شاء الله...!!بعيدن رفعت صوتها ماتشوف انت؟؟؟؟؟؟؟كسرت كتفي؟؟؟؟؟؟؟؟!!!!!!!!!!!!!!!!!!!!!!!!!
محمد يسوي نفسه توه ينتبه للمره:آسف ماشفتس..بعدين انتي الله يصلحس تدخلين البيوت بدون ماتطقين الباب!!!!!!!!!!!لحظه انتي المزون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مزنه ظلت ساكته تبحلق فيه وش قصده بتدخلين البيوت بدون ماتطقين ليه حضرتك عطيتني فرصه اطق الباب ولا حتى اتنفس..
محمد: يالله ..تصدقين ماعرفتس..تغيرتي كثير حتى لسانس قصر!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!
طالعت فيه مزنه ولفت تدخل وخلته..لكنها وقفت لما شافت محمد يضرب كتفه في الجدار ويقول:كل شيء ولا انك تمد يدك على قلبي فاهم؟؟؟؟هذي الغلا كله..وابتسم لما عرف انها واقفه تسمعه ورجع لها وشال شنطتها ودخلها داخل الصاله..ولما جاء بيطلع قالت مزنه:محمد.................
محمد يحاول يخفي فرحته:سمي؟؟؟
مزنه لاتصدق نفسك زين..تراك رحت او جيت ماحركت فيني شيء..!!!!!!!!!!!!!!!!
هنا ماقدر محمد يسوي شيء الا انه يتمالك نفسه وقال: انا ماجيت يابنت عمي عشان احرك فيس شيء لاني واثق اني اقدر أأثر وانتي فاهمه قصدي زين.. على العموم لس وعد مني ان كتفي ان انمد عليس مره ثانيه لكسره!!!!!!!!!!!!!!!!!!!!!!!!!!!!!!!!!!!!!!!!!!!!! !!
نوره توها مخلصه من الصلاه وجالسه بجلالها على السجاده الا وزيد داخل يبي ينزل قميصه ويلبس ثوبه وينزل للعيال في المجلس..لكنه وقف لما شاف وجه نوره اصفر وشاحب..ساعتها ماقدر مايسألها: نوره وش فيس وجهس اصفر؟؟؟؟؟؟؟؟وحالسس مهب زين؟؟؟؟؟؟؟؟يعورس شيء؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!! !!!!!!!!!!!
نوره ناظرت فيه بإستغراب قبل ساعه يضحكم على كشختي ويسبها والحين يسألني عن حالتي..هين يازيد ان ماسحبت عليك وخليتك تعض اصابع الندم ..يوم تهزأت فيني مااكون نوره!!!
قامت وفسخت الجلال وقالت:مافيني شيء يستاهل عشان تخاف علي..ولبست نقابها وجلالها ونزلت وجات بتطلع من الغرفه لكن زيد مسك يدها ولفها صوبه وقال:وليش مااخاف عليس مهب بنت عمي..وزوجتي وحبيبتي؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!
نوره: صحيح انا بنت عمك وزوجتك بس حبيبتك أشك؟؟!!!!!!!!!!!!
والدليل اني ماعدت اعجبك!!!!!!!!!!!!!!!!!!!!!!
زيد: وانا كل شيء اقوله تاخذينه بمحمل الجد..اعتبريه مزح..خفة دم..سميه مثل ماتحبين؟؟؟؟؟؟؟؟؟؟؟؟؟؟؟؟؟؟؟؟
نوره: اقدر اسميه ثقل دم؟؟؟؟؟؟وناظرت زيد وطلعت من الغرفه وهي فرحانه لأنها قدرت ترفع ضغطه..وتحرق اعصابه مثل مااحرق اعصابها........................................... ...............
لايامزنه لاتضعفين لاتسمحين لقلبس انه ينفتح مره ثانيه..بالذات لاتفتحينه للإنسان اللي ماصانه ..الإنسان اللي اهان اهلس..اهلس يامزنه..
ولانسيتي وش قال عن ابوس واللي ميبي ابوس او امس يامزنه مايبيس..شوفي انتي يمكن مانسيتي بس تناسين وش سوى..او يمكن تدورين له عذر..انتبهي يامزنه لتصرفاتس..انتبهي ترضخين لمشاعرس..انتبهي ولاترى بتضيعين!!!!!!!!!!!!!!!!!!!!!!!!!!!!!!!
هذي اولها يامزنه ..الله يعينس عالباقي..ودخلت المجلس ولقت عمتها وسلمت عليها وقعدت تنشدها عن البنات......
بعد الغداء جات هند لمجلس النساء تبلغ البنات ان عمهم وعياله بيدخلون
هند: بنات ترى ابوي والعيال بيدخلون...
مزنه:اجل قومي يالخبله وديني غرفتس..!!!!!!
هند: الخبله والله انتي مهب انا ..الحين ابوي جاي يبي يسلم عليس وتبين تدخلين وتخلينه..
مزنه بصوت واطي:طيب عياله وش يبون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشوي الا هذا ابو زيد وعياله داخلين قامت مزنه تسلم على عمها وهي منحرجه من العيال..وعقب سلمت على زيد ورجعت تجلس جنب هند...
قام محمد وجلس قبالها بالتمام وبعد السلام وتحفاي عمها بها.جاء دور محمد يتكلم حط عينه في عين مزنه وناداها..ولما رفعت راسها قال:ترى سعد يقول لاتسكرين جهازس لانه بيدق عليس..
هزت مزنه راسها كعلامة إستجابه..
مزنه اول ماسمعت اسمها من فم محمد يبست في محلها وحست بثقل في راسها..وشعور بالقشعريره اللي سرت في جسمها في لحظه..ماكانت تفهم وش يقول من كثر ماكان مركز عينه في عينها عينه اللي واضح انها مليانه حب..بس خساره..بتضيع وقتك يامحمد على الفاضي..لأنك مستحيل تستفيد شيء..لأن قلبي خلاص ماااااااااات ودفنته مع ابوي.!!!!
فايز في لحظه مامحمد يكلم مزنه يشاور زيداللي قاعد جنبه:ليتك تدري كم دافع لي عشان يقول الكلام ذا...اصلاً سعد موكلني اقول لها لكن اخوك ذيب دفع خمس ميه عشان يقولها هو....
زيد: احلف..خطير والله اخوك ذا عليه افكار..وانت بعد خبل كان دبلتها له.....!!!!!!!!
فايز:تصدق فكرت بس تذكرت ان وراه دوره ومصاريف بيحتاجها الضعيف قلت ياولد اقنع بخمس..وجلسوا يضحكون..وشافهم محمد وعرف ان فايز علّم زيد..وتحلف له....
ليه ياسعد مالقيت الا محمد تقوله..قلّوا عيال عمي يوكلك انت...يوم عليه ذوقٍ اعوج والله..ليتك تدري يامحمد كم كرهتك وكرهت اكثر غبائي يوم حبيبتك..وتخيلتك فارس احلامي اللي بيصونيوبيصون كرامتي..لكن مااقول الا آه ياحب عطيته ناس مايستاهلونه!!!!!!!!!!!!!!!!!!!!!!!!!!!
واستئذنت من عمها عشان تدخل داخل وتخلي المجلس بكبره وباللي فيه لمحمد...!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
ابو زيد: يالله ياعيال لاتضايقون بنت عمكم..ارقدوا في المجلس وانت يأشر على محمد ماودك تروح تقضي اغراضك..هنا طاح وجه محمد لأنه فاتح فمه ويناظر صوب الباب..محل ماطلعت مزنه..وقال: ابشر طال عمرك اصلي المغرب ونطلع انا وفايز ...يعجبني ذوقه..!!!!!!
فايز:لاوالله اللي مارحت معك..اسمح لي بوح العب مع العيال كوره اليوم فيه دوري في الملعب...لومافيه كان ابشر!!!!!!!!!!!!!!!!!!!!!!!!!
محمد بخبث: لا ان شاء الله بتروح..الله ذا الحين قدامي..!!!!!!!!!!!!!!
مزنه وش البشاره؟؟؟؟!
مزنه: ابشري باللي تبين..بشريسعد هون مهب رايح؟؟؟؟؟؟؟؟؟؟؟؟؟
هند هنا ماتت من الضحك على تفكير مزنه:ياشيخه قولي الله يستر عليه ويوصله بالسلامه ماله الا ثلاث ساعات.....
مزنه مسويه فيها حركات:وش عندس هنوده تدعين له؟؟؟؟؟؟؟؟؟؟؟؟؟؟
العرض الشجري
