يابنت الاجـواد خلينـي علـى كيفـي
أدلـه بنفسـي مـع العالـم وأسلّيهـا
يازهرة العشق انا لي قلب(ن) إرهيفـي
وأعلوم(ن) إطوال مدري ويش تاليهـا
أخذيـه بشويـش ياعـزّي وياريفـي
ولاّ أحسن .. إنسيه دامه رايح(ن) فيها
ترفّـقـي .. لا يغـرّنـك سواليـفـي
في داخلـي نـار تصلانـي واصاليهـا
عقارب الوقت فـي توقيتـي الصيفـي
تعطيك الارقام .. لكن مـا قريتيهـا !!
ياغاليه .. لو دخلتي داخـل أرشيفـي
تدريـن الايـام وش سـوّت لياليـهـا
ما عاد أنا اللي من أول شاهر(ن) سيفي
ولا عاد انا فارس الهيجـاء وراعيهـا
رفعت لك رأيتـي وأرسلـت تعريفـي
وشرحـت الاحـوال بيّنهـا وخافيهـا
وقطفت ورد القوافي لـك .. بتأليفـي
شمي شذى الورد من خافـي معانيهـا
العرض الشجري
