السلام عليكم ورحمة الله وبركآته آسعد الله صبآحكم ومسائكم بكــل خيــــــــر آخوآني وآخوآتي الآنترنتيــين والغير الآنترنتيين بمآ آني آمون عليكم وتمونون علي حبيــت آقولكم سآلفه صآرت علي آمس * * * كبتشينوا والشآيب الغثيث .. هذآ’ سلمكم الله وآحد من جمآعتنآ شآيب يجيب الهم مآيسير على احد الا هو متعشي عنده ومتغدي وبآلع خيشة تمر ومخلص 7 دلات بينمآ كآنت الساعه 8,15 صبآحاً كبتشينوا يتفرج على فلم رومنسي وخآش جو الا والجرس يدق طن طوو طن طوو << صوت جرسنآ المهم وآنآ ملقوف قلت لازم آشوف منهو ذآ نزلت تحت الا طلع بوجهي شايب من جماعتنآ آسمه خلــف << حتى آسمه يجيب الهم سلمت عليه وتعرفون سلام الشيبان لازم يعبي خدودك سعابيــل ويسلم عليك تقول آنك طآلع من سجن 20 بوسه .. .. يوم خلصنا سلام بغيت آقوله وش تبي قلت حي الله ابو بدر يآهلين وسهلين زآرتنآ البركه طبعاً آرحب فيه وبقلبي آقول لابارك الله بهالوجه المهم قلطته بالمجلس ورحت صحيت الشغاله وقلت لها سوي قهوه وشاي ورحت جلست معه بالمجلس وتعرفون الشيبان فيهم عاده مو حلوه اذا كان جالس مع شخص آصغر منه بكثير يجلس يكذب وينصب عليه المهم انا آنتظر بس يخلص ويضف وجهه وآكمل الفلم ونام وهو سالفه ورى سالفه شكيت آنه الزير سالم ويقولي هوشاته ومآدري وش المشكله عمي يعلمنا عنه كل شي يقول يوم كنا آول بحاره وحده خلف ذآ دآيم نسطره ونكفخه * * ولا والمصيبــه الاكبـــر آنه كل ماقال سآلفه .. قالي آسآل رحمة فلان طيب الرجال ميــت شلون آسآله * * المهم انا آكلت هوآ شوي والا يآذن الظهر قلت الحمد لله جآء الفرج قال المسجد قريب قلت آيه ورى بيتنآ .. بس صل وتعال يآبو بدر تغدى معنا قال آيه بصلي ورجع لازم آسلم على آخوانك << رآعي طويـــله الرجال المهم بس طلع من البيت رحت وفتحت الكيبل حق الكهرب وفصلت الجرس وحطيت رآسي ونمت قلت الحمد لله الحين آفتكيت منه * * * * * * * * * * * * بس تدرون وش المشكله صحيت الساعه 6 المغرب غسلت وجهي وجيت بطلع الا آسمع صوت رجال بالمجلس قلت خلني آسلم عليهم يوم دخلت لقيــته جالس يلعب بلوت مع آخوي وصحآبــه بغيت آمغطه وطلعه برآ البيت بس قلت مالها دآعي آخوي الاكبر مني موجود مآيستفآد من القصـــــــه 1/ لاتعطي كبار السن وجــه 2/ تفتح الباب وانت سهرآن لتجنب الآحرآجآت تحيآتي .. كآن فيذآ آخوكم كبتشينوا
كبتشينوا والشـآيب خلــف.. الغثيث
العرض الشجري
