●ҳ̸Ҳ̸ҳ تَجارُب ҳ̸Ҳ̸ҳ●

[العـ راعي ـليا]

اقتباس المشاركة الأصلية كتبت بواسطة حلوة المعاني صـبـآحك سعادة ][ وبإذن الله لك مستديمه , . من طول الغيبات عشاني ع حسابه < فاهمه غلط (فيس مدري وش يحس فيه ) ونبداء بعد التوكل ع الله << انتصفنا بالقصه بدري كان يامكان في قديم الزمان وسالف العصر والاوان وياليل الليل المهم مالكم بالطويله < لا بالله الاخت فاصله ماش موب صويحهيه ع هالصُبح كنت راجعة من مكه توني ماخذت(ن) عمره . . ومير يطلع علي اثا ر التعب وشوي الا وتبداء معي حراره وكحه وزكام وكل شوي تزيد علي ياربي بديت اشك مع اني ماني من النوع اللي يوسوس بس مدري وش جاني ياويلي لا واللي يغبن كل من شافني خواتي امي اخوي .. عيال الجيران < برى يقول وش به وجهتس تقل تعيبينه يالاهوي لا تقولون يومه ورب البيت تكرمشت مشاعيري وحسيت بخفقات بأقصى البطين السُفلي , .. اللهم لا اعتراض لكن العيد جااي والله الموت اهون ماعلينا وبعد ترجي دام سبعتلاف ساعه من اميمتي [ طول الله عمرها . . قررت اني اروح للمستشفى وماادراك ما المستشفى << ( فيس يبكي بأقوى ماعنده ) رحت قاسو حرارتي والضغط كشفو منا ومناك و و و وأكبر قهر لا بربرو هالدكاتره بالانقليش وحسسوك اني درج بالانقليش ياويلي تقولين طايحين من عينهم ابد محد يعرف لغه الا هم ومير يقولون حتسي ماش موب زين وانا هينا خنقتني العبره :( لا واسأله اقول وش بلاي يقول عادي مجرد حراره وكحه تعرفي فايروس بالجوو ][ اعنبو حيك من شوي اسمع وش انت ترطن ع هالفلبينيه وتقول مسحه وهاك الروم ومدري وشو وش الفايروس ][ الظاهر شافني مرتاعه قال بس هذي لو نصعقها بالخبر [ قصمن مايردها الا باب الشارع تبون الجد هو خوثني . . . بس وش اعمل غصب(ن) علي العمر ياشامان الهوهيم واروح لهاك الغرفه المقصوده كل ابو امها ستاير ياحوول ويني فيه <<< وتقع عيني المصون على اللوحه المصكوكه بالباب << مازالت فاهمه غلط آويلي ويلاه مكتوب عليها ][ h1n1][ يعني اللي فيني فلونزا الخناااااااااااااااااااااااااااااااازير !!!!!!!!!!!!!!!!!!!!!!! لا لا لا موبـ صزز وانواع البتسا ( البكا ) والصياح والنياح تقول عزااء اترجاهم يرحم ام امكم وقصم قصمات مربع مربعات مافيني شي طبت خلاص قال الدكتور وهو لابس كمام وفت مرارتي يحاتسيني من بعيد بعد . . . ابك قبل شوي داخل في خشتي الحين صرت ترتاع الله ابو شكلك , .. الموهيم وأكلمه بنبرة كسيرة لو يهودي طلعني لو ع مسؤوليته ... قلت يرحم والديك وجعل امك وابوك بجنات النعيم طلعني خلاص ماحس بشي ابد مثل الحوصاان شفني تقل غزال الريم اطرد << لا زالت فاهمه غلط ومير يسفهني , .. واسترسل بالبتسا . . لين جاني دكتور ثاني هو اللي شوي تعاطف معي الا الدنيا غرقانه من كل صووب ][ مستنقع موو رووم << الله يحوم تسبد العدوو قال لمي شوفي ياأخت (حلوه) احنا للحين ماتأكدنا من شي لكن تقول الاشتباهات ان الاعراض اللي فيك فلونزا يعني حرارتك مرتفعه مكتمه والضعظ نازل ولا تخافين مجرد علاج بسيط ومو كتير بيتعب اسبوع واحد وفي حالات مابنخليها بالمستشفى نعطيها العلاج ويتم العزل عندهم بالبيت يقالك بيخفف علي .. وازيد بكا واقول له ياخي وش فلونزا ورب البيت ماطبيت سوق ولا قربت مه من شعبان هذا ماكااان من رجب << يقالكم بتفهمه انه ماجلست بمكان عام , .. قال لمي انتي سافرتي رحتي جيتي قلت اي مابقيت شي في موخي مارحت لمه << لا تهايطين واجد المهم قال خلاص الفايروس مو بالسوق بس بكل ابو مكان << تقول ادري بس ياخوك مشتهيه العب على حالي وش لك دخل , .. المهم ومير ياخذ المسحه وتحاليل وقرف واشوى ماصار بي شي ورب البيت رحمت حالي يوم قرر للمره الثالثه يسحب مني دم ومن الرعده والخووف ماطلع شي تقولون عاجبه لون دمي ماغير يسحب فيه البلا انه غير قابل للإستهلاك ماينفع لحد ابد << اللهم لا اعتراض :: هذي قصتي وجعل ماجاني مايجيكم والله يعافيكم بأبلدانكم ويخليكم لمغليكم << عسى ماشر بسـ رحت اخذت عمره قبل البارح مره ثانيه وجتني الاعراض بعد ههههههههههههههههههههههههه تقولون اعاند رووحي ههههههههههههههههههههه فَـ من اليوم ورايح ][ ممنوع الاقتراب ولحد يرسل لي طلب صداقه ولا برايفت << تقول كاثر الوصل هاليومين من الاعضاء مدري وش بلاهم هههههههههههههههههه << شعندها الفتاة التي ماكله الجوو ههههه وتراني ناذره نذر اني ماروح للمستشفى , , العيد قرب وقرب العرس يابو حسين ][ وعرس اختي قرب وحالفه اعادي المعازيم :: << مليعينه وعقبالي وعقبالكم آمين << ويييييييجع ياحلوه استحي وكل عام وانتو بألف خير مقدماً ومن العايدين والفايزين , .. ( ورده ) < ياليل العجز وآم سو سوري ع الاطآله صيو صوون

كل عام وأنتِ بألف خير ..

حلوة المعاني ..

وعيدك مبارك .. وعساك من عوّاده ..

ومن العايدين الفايزين .. ان شاء الله ..

والله يتمم أفراحكم على خير ..

وما تشووفين شر ان شاء الله .. طهوور .. على ما قالوا ..

ومقبوله العمره .. تقبل الله منّا ومنكم صالح الأعمال .

تقبلي تحيّتي وتوااضع مروري .

دمتِ بحفظ الله ‘‘