جيتك ادور في عيونك مكاني
عابر سبيلٍ تايهٍ بين الاوطان
عابر بكفي ضمةٍ من أماني
وبكفي الثاني تناهيد وجدان
عفواً من انت ومن مضيع مكانك
يعني تدور عن وطن في خبر كان
يعني بأمان الشوق دور أمانك
وأرحل بأمان الله لا تثور اشجان
اناغريب وتايهٍ بالمواني
والموج يلعب بي على بحر حرمان
عابر نصيتك ما بقى من كياني
إلا بقايا صوت ملهوف حيران
أمواج بحرك ما تحرك حنانك
ما للمراكب رجعةٍ دون ربان
هانت عليك وما رضت في هوانك
لاهنت ياقلبي وبك جرح ما هان
جيتك ادور ما مضى من زماني
إن كان تذكرني قديمات الازمان
وإن جاز لي احيا الخوالي ثواني
وارحل ثواني عن متاهات الاحزان
حول زمان اول وروح زمانك
ارحل ويكفي بالحشى منك نيران
ابيك ترحل مو عشاني عشانك
ما عاد بي صبرٍ على الحب يافلان
انا تعبت وهاجس الموت جاني
بموت في حبك ولاني بندمان
خليني احيا دامه العمر فاني
في نن عينٍ يذهل الانس والجان
بعيد عنك الشر وامسك لسانك
يفداك عمري ما مضى كبوة حصان
خذني معاك وفي عيوني مكانك
مابين جفن وجفن في موق الاعيان
العرض الشجري
