:
::
:
{ مــدخل : . .
اللي تركني وأنا في عـز غربالـي
بعد الشدايد وش اللـي ذكـره فينـي . .
يبغى زمانه يعـود ويرجـع الغالـي
وش لون يرجع بعد ماطاح من عيني ’
لاالوقت وقته ولاله شي فـي بالـي
أنـا نسيتـه مثـل ماكـان ناسينـي . .
ياما تمنيت نظرة منـه فـي حالـي
يامـا تمنيـت صوتـه لوينادينـي ’
وأقول لااظلم علـي الليـل بلحالـي
الله يجيبـه يشتـت غربـة سنينـي . .
|
يانديم الجرح واللي وصتك بأرقامها
عارف إنك ما تعرف إلا شذى يشمومها
لاتعلمني عن آخر ماحصل في أيامها
من رسالتها عرفت اليوم كل علومها
|
أدري إن الوقت شمر عن يديهـ وظامها
وإدري إن الحض الأقشر صار مثل هدومها
وأدري إن الهم وقف في طريق أحلامها
لين صار الحزن أثرها والشقى مقسومها
|
بس تستاهل هي اللي طاوعت من لامها
وباعت اللي كل ذنبهـ ما دخل في سومها
خلها تدفع ثمن غلطاتها ما دامها
هملت قلبي وراحت وأسرفت في حومها
|
ويبتعد مع كل خطوة صوت وقع أقدامها
وتقرب الضيقهـ وتصحى دمعتي من نومها
لين غابت عن عيوني وإنجلى هندامها
ليلة تضفى على صدر الضلام نجومها
|
كنت أحس بشي والله ما تشيل عضامها
لو تحس بشي منهـ يمر وسط حلومها
كنت أحس إن الضلوع العوج مثل أيتامها
وأشعر إن القلب نبضهـ منتهي من يومها
|
والحياة اللي تدور شهورها وأعوامها
وقفت واليوم دور رماحها وسهومها
ياكثر ما أغرقت نفسي في بحور أوهامها
ويا كثر ما ضعت بين أوهامها وهمومها
|
ماجداي إلا أحلم أني واقفً قدامها
وأتخيلها تعاتبني وأروح ألومها
يا نديم الجرح خلك من علوم أيامها
ما بقى في القلب رغبة يلتفت لعلومها
|
والرسالة ردها للي زمنها ضامها
وقلها كلمة وتفهمها حسب مفهومها
والله إن أقص كفي قبل أدق أرقامها
والله أن أشيل قلبي قبل أشيل همومها
::
:
مخـرج } . .:
من كثر ماكان طيفـه دايـم قبالـي
احيان احسه معي وتضمـه ايدينـي ’ ,
ولامن تنبهت ليـن وجيـه عذالـي
كلٍ على ماطـرى بالـه يسمينـي ’ ,
ليته تركني بعـد هـذا علـى فالـي
زي ماتركتـه بعدقتلـه بساتيـنـي ’ ,
من بعد ماصار جاب بلسانه الحالـي
يبغى يرجـع زمـان بينـه وبينـي ’ ,
قولوا له اني مااحبه كثـر ترحالـي
او لا حرام يتضايـق والا يبكينـي ’ ,
قولوا له اني احبه بـس مـن تالـي
ان راح والا رجـع ماعـاد يعنينـي ’ ,} . . .
من روآئع / / فهــــد المســـآعد ][ ـ ,..