مـــــــــــــــــــــــرحــــــــــــــــــــــــ ــــبا
كيفكم ؟؟؟
حبيت اجي اليوم باكلات سريعه قبل رمضان <<< والله متحمستله بقوووووه :)
سلطة البروكلــــــي
600 جرام بروكلي ( او نخلط بروكلي مع زهره )
100 جرام زبيب و مثلها صنوبر
40 جرام بقدونس
حبة جزره مبشوره
40 مل خل البلسمك
80 مل زيت زيتون
نسلق البروكلي و الزهره و نخلط معهم باقي المكونات ...
////////////////////
روســــــت لامب
500 جرام لحم
نتبلها بــ ( 2 فص ثوم + ملح و فلفل حسب الرغبه + فنجان شاهي زيت زيتون + 3 ملاعق وورشستر صوص )
نحطها بصينيه و نقصدرها و ندخلها فرن حار ( 400 ف ) لمدة ساعه و نص او ساعتين لحد ماتستوي
الصوص عباره عن : طحين + زبده + حليب + ملح و فلفل + وورشستر صوص
سويت الصوص من غير مقادير معينه .. المهم انه راح يكون زي البشمل او اخف شوي
( ممكن نضيف للصوص عصارة اللحم بعد مايستوي )
////////////////////
ايدام الباميه باللحــــــم
نحمي شوي زيت و نحط فيه حبة بصله مقطعه شرايح لحد ماتذبل
نضيف 5 فصوص ثوم مقطعه شرايح و نحركهم سوى
نضيف حبتين طماط مقطعه صغار و نحركهم و نخليهم يتسبكون شوي
نضيف اللحم + حبة ماجي + فلفل اسود + ملعقه صغيره كزبره بودره + ملعقه صغيره كمون و نخركهم جميعا
نضيف مويه و نخلي اللحم يستوي
نضيف الباميه ... و بعد ماتستوي نعصر عليهم نص حبة ليمونه و نحركهم و نخليهم على نار هااااااديه جدا بس تختلط النكهات ( تقريبا 10 دقايق )
////////////////////
روبيـــــان مقلي
روبيان طازج منظف ومغسول
ننقعه في ( عصير ليمون + بهارات سمك + بابريكا + ملح و فلفل اسود ) تقريبا نص ساعه
نشيله من التنقيعه و نحطه بطحين ثم بيض ثم بقسماط مخلوط بسمسم و نرجعه الثلاجه يتماسك و اخيرا نقليه
الصوص عباره عن : ملعقه كاتشب + ملعقة خردل + ملعقة زيت زيتون + ملح و فلفل و شطه
////////////////////
سموثي المانجـــــــــــــا
علبة من المنجا المعلبه :)
كوب زبادي
3 ملاعق صغيره سكر ( او حسب الرغبه )
ملعقه صغيره فانيلا
ملعقتين اكل عصير ليمون
150 مل حليب
نخلطهم و نقدمهم ( ممكن نرش على الوجه شوكولاته مره )
////////////////////
أم علــــــي
12 حبه بف بستري نسويها زي مامكتوب على علبتها
نكسرها و نحطها بصينية
نخلط ( 4 كاسات مويه + كاس سكر ( او حسب الرغبه ) + ظرف دريم ويب + علبة قشطه + بيضه مع فانيلا + 12 ملعقه نيدو )
نصبهم على حبات البف و نخليهم تقريبا 10 دقايق
نحط على الوجه علبة قشطه + مكسرات ( زبيب و صنوبر و لوز ) و ندخلهم فرن حار ( 350 ف ) ربع ساعه تقريبا حتى تتماسك
////////////////////
الكــــــيكه السريــــــعه
نخلط كاس زيت + كاس سكر
نضيف 3 بيضات + ملعقه كبيره فانيلا ( استخدمت السائله )
نضيف كاس حليب سايل ثم كاس حليب بودره
اخيرا نضيف كاس دقيق + ملعقه كبيره بيكنج بودر
نصبهم في صينيه مدهونه و ندخلها فرن حار ( 350 ف ) تقريبا 40 - 45 دقيقه لحد ماتستوي
نطلعها و نصب عليها خليط عباره عن ( 7 حبات كيري + نص علبة نستله )
و نرشها بالشكولاته المره ... و ممكن القرفه او الفستق يعني حسب الرغبه
////////////////////
الفرنــــــش توست
حبات من البريد ... نغمسها بخليط عباره عن ( حليب + بيض + شوي ملح + سكر + قرفه )
نحطها على صاج فيه زبده لحد ماتتحمر من كل جهه ... اخيرا نرش عليها سكر بودره