هاتي يمينك نشعل الجمـر للعـود
نسهر سوى قلبين عاشق ومعشوق
دامي في قلبك يااجمل الناس موجود
ليه التغلي ليـه شوفتـك بالبـوق
عمري وعمرك لا حسبناه محـدود
ماعاد بـدري لا تقوليـن ملحـوق
من طول صبري حيلي اليوم مهدود
حالي كسيرٍ والدمع حـرّق المـوق
يانور عينـي لا تزيـد العنـا زود
الليل عدا مـا تبيـن لـك شـروق
يامن شغلت البال بعيونـك السـود
ارفق بخلٍ يدفعه صوبـك الشـوق
لمصافحك كفه على طـول ممـدود
مدي يمينك واحضني الكف من فوق
حبك بقلبـي يالغـلا مـال احـدود
لا ينشغل لك بال يااعـز مخلـوق
راعي حبيبٍ مانوى عنـك صـدود
ساق القصايد والمعاني لكم سـوق
وان كان شعري مالقي منـك اردود
لا تنتظر مني بعـد صـدك آتـوق
هاتي يمينك نشعل الجمر للعود
العرض الشجري
