جيت لك وردة وفا تنفح قصيـد
عاشق ٍ يزهى الجمال بجل ذوقه
جيت لك ديوان شاعـر مايحيـد
شاعر ٍ ساق القوافي ماتسوقـه
جيت لك رجل ٍ عزومـه ماتبيـد
لا نطق حرفين تحفظ له حقوقـه
جيت لك عشب ٍ نبت تحت الجليد
من كفوفك ياخذ اغذاه لعروقـه
جيت لك طفل ٍ على الدنيا وحيد
ينزف التجريح من طعنة خفوقه
جيت لك مثل الرطب فـإم الجريد
من غلاتك ميًلت صوبك عذوقـه
جيت لك حب ٍ على الدنيا يزيـد
يصدح احساس الموده في بروقه
قلت قولي وانت قلي وش تريـد
عاشقك حزنه من بعادك يذوقـه