السلام عليكم ورحمة الله وبركاته
من فترة كنت اتناقش مع بعض الشباب عن الرواتب والمصاريف والاسعار ... وطلعت لكم بهذه النتيجة ... اللي في نظري افضل من الواقع بالشي الكثير ...رواتب الشباب في هذه الايام
لو فرضنا جبنا شاب جامعي راتبه مثلا يصل إلى 4500 ريال ... لو مثلا كان في المراتب المتقدمة لسلم الوظائف الحكومية ...
او خلينا نقول موظف قطاع خاص ... تترواح رواتبهم لو كان جامعي وفي شركة محترمه
بين 4000 ريال إلى 6500 ريال ...
نأخذ اعلى نسبة وهي 6500 ريال
متوسط سعر ايجار الشقق بالخبر والدمام يترواح بين 25000 إلى 30000 ريال ... اذا كان في حي عمره مايقل عن خمس سنوات
ناخذ 25 الف بالسنه ايجار الشقة / 12 شهر = 2083 ريال يخصم من راتبه شهريا
بقي من راتبه 4417 ريال معي انتوا ؟!
فاتورة كهرباء لو ساكن بشقة صغيره هو وزوجته فقط تقريبا حوالي 150 ريال بالشهر في فصل الصيف
فاتورة جواله تقريبا اذا ماكان ثرثار 350 ريال
ومصروف للزوجة تقريبا 500 ريال
قسط السيارة اذا كانت وسط عاديه نوعا ما 1500 ريال
كم باقي ؟!
1917 ريال
اقساط ديون الزواج البالغة شهريا 500 ريال هذا والله محظوظ جدا بهذا القسط المريح ..
هذا كله عند الصرآف الآلي لسه في ساعة نزول الراتب ... يمكن يكون المسكين واقف عند الصرآف في منتصف الليل اللي يسبق الراتب
هذا بعد ماعنده عيال ولا فيزا ولا ماستر كارد ولا انترنت هذا مثال يحتذي به بصراحه
يكفي عليه كذا ولا نكمل ؟!!
باقي سلمكم الله اهم شي باقي مقاضي البيت !!
مقاضي السوبرماركت
بدون لحم تقريبا 700 ريال واللحم يايشتري هو وجاره ذبيحة ولا يتحمل ريحة ومذاق اللحوم الجاهزة والمعلبه
هذا بس في اول يوم من استلامه الراتب ...
وباقي من الشهر شهر كامل !! والرصيد 717 ريال فقط
والمبلغ هذا مااظن انه راح يصمد اكثر من اسبوع ....
طبعا هناك حلول للمشكلة وتخطيط لتفادي الفلس المبكر في بداية كل شهر ...
لكن هنا اضع لكم المشكلة واتمنى منكم طرح حلول مفيدة...
لكن المشكلة لو كان فعلا مثل ماسبق ذكرة ايش يسوي المسكين ..؟!!
يتكل على الله ويشتغل رقاصه ....