صدق ظني وخنتيني وانا المجروح باسبابك=بعد مااسكنتك بقلبي غدرتي بي وخنتيني
ثلاث اسنين من عمري وانا عاكف بمحرابك=نهايتها بسيف الغدر في قلبي طعنتيني
بعدها صرت انا كبش الفدا دمّي على اعتابك=وانا اللي كنت اظنك يوم انا شاريك تفديني
واثاري كنت انا المخدوع في شكلك وجلبابك=وقلبك منصرف عني وباسلوبك خدعتيني
خدعتي العين في وردك ورمانك وعنّابك=وخليتيني اطرد في سرابك واستملتيني
وجيتي اليوم بعد القلب ماعافك وضحّى بك=تبين اتضحّكيني بعد ما كنتي تبكّيني
محال اني انخدع في صبغتِك ويغرّني اخضابك=لو ان الشمس تشرق من جبينك ماتهميني
خلاص القلب من بعد الجفا ماعاد يرضى بك=كفاية مامضى ضيعت عمري فيك واسنيني
حرام اعفِّر الرجلين بعد الغدر بترابك=وانا ماينحني راسي لمثلك لو ترجَّيني
الا ياقلب وش ساقك لها ياقلب وش صابك=عليك انت العتب ياقلب لا تعتب على عيني
مستور محمد الحارثي
العرض الشجري
