قصيدة جميلة للشاعر نواف الضرباح
أعجبتني وأتمنى تعجبكم
&
الحب ما قلـت لـك صعبـه تعرفينـه
الحب ما يعرفـه مـن يجهـل أسبابـه
الحـب خليـه عنـك وينـك وويـنـه
لو كان بعض الاسامي أحيـان تتشابـه
ماكـل شـي علـى كيفـك تمشيـنـه
وماكـل منهـو سـأل يحصـل أجابـه
وماهو ضروري أحـب اللـي تحبينـه
وماهو غريب الزمن يقلب على أحبابـه
والشي لا ضاع ماهـو شـرط تلقينـه
ومن مات مرحوم ما يرجع على أصحابه
والصبـر لـه حـد لايمكـن تعديـنـه
والبيت ما يدخلونـه غيـر مـن بابـه
ومن راح عمره وراحت أجمـل سنينـه
عنده تساوي حضـور الشـي وغيابـه
واللي فضخ باصبعه عينه خسر عينـه
يتحمل اللـي سبـب غلطتـه ماصابـه
وما دام كلن مـن الثانـي خـذا دينـه
وكلن على ما يحـب مصفـي حسابـه
في شـي واحـد لابـد انـك تعرفينـه
قبـل انتفـارق وقبـل القبـر وترابـه
الكـذب يمشـي بـدمـك ماتخليـنـه
لـو تحلفيلـي علـى القـران كذابـه
,,,الشاعر نواف الضرباح
العرض الشجري
