[ مُخْ / تَلِفْ ] ـه .. وَلَنْ أُمْطِرَ إلاّ هُنَا .. }

[عيون الحلى]

هنا يا دفتر الحزن الحكاية كلبوها جروح
نشف حبر الدموع ولا لحقت اكتب معاناتي

هنا صفحة ملاها ضحك ولعب و فرفشة و مزوح
وهنا صفحة عتب كانت محطة من محطاتي

وهنا شعر و قصيد الحان كاتبها عشير الروح
مع توقيع بالأحمر ( لأغلى من سكن ذاتي )

حكاية عمر يا دفتر معاك همومنا بـ تروح
ولكن راح مع همي .. سبب تسطير ابياتي

رحل والله هو العالم بلا ذنب وسبب مشروح
تركني في ظلام الليل اجر موال وناتي

عساه ان غاب ما ينسى حبيب ٍ بالعنا مجروح
وعساي اذكره بالنومة و روحاتي و جياتي

انا بسألك يا دفتر علام آخر سطر ممسوح
كتبته بالرصاص وقلت عساها تخيب هقواتي

ترا الجمله هي الجملة .. تعال نخطها بوضوح
( تفارقنا قبل مانحسب حساب فراقنا ياتي )