.:/ خيـ‗__‗ــآل الوٍآقعيـ‗__‗ــه /:.

[قـيـس نـجـد]

قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن
كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن
لين شفتك مـن ورا بيبـان صـالات المطـار
مقبله من كثر شوقك .. كنت اشوفـك تركضين
مرةٍٍ ركضـك يميـن و نظـرة عيونـك يسـار
و مرةٍٍ ركضك يسار و نظـرة عيونـك يميـن
تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيهـا حنـيـن
خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )
بعدهـا جيتـك ولـدّت عينـك و دار الحـوار
من كفوفـي دمعتيـن و مـن كفوفـك دمعتيـن
كنت اصد و كنتي انتي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )
واذكر اني رحت قبل ابدي لـك ايّـة اعتـذار
رحت حتى قبل اطيّب خاطـرك فـي كلمتيـن
لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقـدرين
اذكريني لاانتهت للشمـس رحلـه مـع نهـار
واذكرينـي لاصحـى للصبـح ورد الياسمـيـن
واذكريني لا لمحتـي فـي ليالـي البـرد نـار
واذكريني لا سمعتي للمطـر صـوت ٍ حزيـن
اذكرينـي واذكرينـي واذكرينـي .. بأختصـار
.... أذكري سلطان قـدّ مااـنتـي تقدريـن !