مادام وجه القمر موجود=وش هو له اناظر النجمه
ماني لشوف النجم محدود=لان القمر يجلي الظلمه
النجم عند الليال السود=يمكن كذا نلتفت يمه
تعال ياغاية المقصود=يامحكم الزين في كمه
مغليك يفديك بالموجود=ويسوق لك ماله ودمه
تراي لاذعذعن النود=اضيع واضيع اليمه
من شوقي ولهفتي مضهود=ضامي وادور على الجمه
ومن يوم شفتك بديت ازود=فالهرج واخطيه واخمه
واصيح وانشط وانا مجهود=واغني الهمه الهمه
وامد خطوه قدم واعود=ومن فوق راسي كما الغمه
عيونك ان سلهمت عبرود=يصوب القلب ويسمه
لبى عيونك وذاك العود=اللي تمايل مع النسمه
يافاتنه يادلع ياجود=ياعطر ياورد ياقمه
العرض الشجري
