حريم 2009

[الاميرة ود]

بسم الله الرحمن الرحيم

السلام عليكم ورحمة الله وبركاته

عندي موضوع مهم جدا...بتمنى الكل يشاركوني برأيهن ويتفاعلو معي...

*كتير ناس ببلاد الخليج تحديدا بنادو البنت او المرأة ب(حرمه)...
والجمع (حريم)....

طبعا ..انا استوقفتني هاي الكلمة كتير..
ودورت عنه..ومالقيت اله اصل بالشرع لا من قريب ولا من بعيد..

ربنا سبحانه وتعالى كرمّ المرأة..وانزل بالقران سورة عظيمة..اسمها سورة (النساء)..
ماقال ربنا..سورة (الحريم)..

ومالقيت ولا دليل شرعي بمخاطبة اي بنت او امرأة بهاي العبارة..

انا بشوف هاي العبارة فيها اهانة كتير كبيرة للمرأة..
لانو معناتا انو البنت شي محرمّ..

وانا ضد رأي اي حدا بقول انو معناتا القدسية..متل مانقول بيت الله الحرام..

لانو هاي العبارة بالذات..ذكرت بالقران..متل اشهر الله الحرم وغيره..بمعنى انو القتال فيها حرام..وانو الذنوب تعظم فيها...الخ

ومافينا نقيس شي على شي..
والا كان شرب الخمر او الزنا..وهن(حرام) شي مقدسّ.

ربنا كرمّ المرأة حتى بأسلوب النداء والمخاطبة.ومابصير حدا يقللّ من هالشي.او بهينه حتى باللفظ..

نحن نستمدّ قوانينا وومنهج حياتنا من الشرع..مش من هوانا..او من عادات وتقاليد صنعا ناس متلنا لاهن انبياء ولاهن رسل..

بتمنى كل بنت ترجع للشرع وسيرة الرسول صلى الله عليه وسلم..وتعرف اديّش الاسلام كرمّا..

مش بس تعرف هالمعلومة وهيي اصلا مابتعرف كيف ربنا كرماّ وبشو..

وبتمنى من كل انسان رجل او امرأة..يبّطلو هالعادة بمناداة اي بنت ب(حرمة)...

والافضل يناديها بإمراة...وللجمع نسوان(بالعامي)بمعنى نساء..

بالاخير :
قال صلى الله عليه وسلم(اوصيكم بالنساء خيرا).

دمتم بود
اختكم:

الاميرة ود