بسم الله الرحمن الرحيم ،
هاذي اول مشاركه لي في منتداكم ،
واتمنى انها تعجبكم ، وهي قصيده لمحمد الاحمد السديري ،
وللي ما يعرفه ، فهو من افضل شعراء النبط في المملكه والخليج <<<اذا ما كان افضلهم ،
من اشهر قصايده ( يقول من عدى ) اللي غناها محمد عبده ,,,
وهذه القصيده غناها محمد عبده بس ما انتشرت ،
وحبيت اني اكتبها في منتداكم .... واتمنى ان ذوقي يعجبكم ....
حياتي كلها صبر وجلاده
وغيري عايش عيشة سعاده
انا اللي عاشق بالغي مغرم
غريق في هوى راع القلاده
بعيد عنه بديار بعيده
ولحد جاب لي منه الافاده
يجيبنه حلوم الليل عندي
وحط الخد للغالي وساده
والى مني صحيت وقمت اراعي
ولين الليل يفجعني سواده
تصور لي عزيز ما نسيته
حبيب ما سلى قلبي وداده
عذولي لا تلمني بالموده
جريح هايم في حب غاده
تهل الدمع عيني من عناها
وسفك الدمع للعشاق عاده
نشدت اهل الموده وارشدوني
يقولون الهوا صعب جهاده
اقوله مصخر من روح روحي
حياتي كلها صبر وجلاده
وسلامتكم.
العرض الشجري
