يعني عويشق يتندح في امريكا ((لا يفوتك))

[راح خلي]

عويشق ذس از ...ان امريكا:يعني عويشق يتندح في امريكا
احيانناً يحس الشخص بمدى الابداع الذي يلازمه...ويحس انه مافيه احد قده...وهو ماشالله عليه من جنبها...
واليوم في موضوعنا هذا سوف نسلط الضوء(والله عقب هذي المفروض اعتزل الكتابة لنها صراحه كلمة كبيره)على الاخ عويشق ابو خشم...:
فهو شخص تدرج في الابداع حتى وصل القمة... وسلك طرق النجاح حتى اصبح يشار اليه بالبنان
دراسته: حاصل على شهادة البكلوريس في علم النباتات قسم كيف تربي الاسماك(ترا الاسماك موخراً اضافوها للنباتات)
حاصل على شهادة الزمالة من المعهد الملكي البريطاني في فنون كيف تصبح ماصلاً...زميل المعهد الامريكي لبحوث الذرة ومسببات ثقل الدم...
حاصل على شهادة الماجستير تحت عنوان(كيف تصبح ضب)
حاصل على شهادة الدكتوراه بعد ان افلح بقتل 150دكتور كل ابوهم اشرفوا على رسالته وبالاخير قالوا عطوه الدكتوراه لايقعد بسبة هالشهادة يذبح كل دكاترة المصاله في العالم...
تعول عليه الاوساط العلميه بانه سيكون زعيم الماصلين في العالم خلال عشر سنوات...
---------
تكريمه: حائز على جائزة نوبل العالميه فرع المصاله المستفحله.
حائز على جائزة الاوسكار على دوره في فلم...ابي اريد ان اكون ماصلاً..
مناصبه: وكونه احد الاشخاص الذين يشار اليهم بالبنان... فقد شغل عدة مناصب اهمها...
الرئيس الفخري للجامعه الدوليه للاشخاص اللي من جنبها(مصالكو)
مرشح لتولي الرئاسه في مجلس الشعب عن الاشخاص الذين من جنبها...
----------
عويشق ابو خشم في سطور:
سنروي له اليوم قصة ... عويشق يتندح في امريكا:هذا ياشباب ويابنات كان عمي عندنا بالبيت ويقول ان ولده(كان)في امريكا ايام الاحداث قلت لنفسي اليوم يومك ياعويشق تسافر ترد ولد عمك وتصير بطل قومي..وانا اقمز للسفاره الهنديه ابي فيزة لامريكا واثر الشباب موقفين الفيزا وانا الف براسي يمين ويسار وعلى بالي فيه مخ بالراس هذا وانا ما اسمع الا صوت هواء...ولا اتذكر الا ولد جيراننا عاد هو ماشالله عليه ضابط كبير وواسطه لنه جندي بالدفاع المدني بس توفاء الله يرحمنا جميع ..وادبر عمري بفيزة واقص تذكرة لامريكا ...واسافر على طيارة حقت ابو جيراننا ...وانا اوصل واشنطن دي سي بين عشوين(يعني بين المغرب والعشاء)واطمر للفندق ولا وش اشوف حقت الرسبشن ذيك الشقراء...عاد عويشق اللي هو انا يضيع ويصير اي كلام لا شاف الشقر وانا استاجر غرفه عندهم ...وادخل واخذ لي غفوه بسيطه ولا اقوم الا بكرة العصر(كل هذي بس غفوة ماهي نومه ترا)واقوم العصر وانا افطر على كورن فليكس(لزوم التطور)واطمر للشوارع ادور ولد عمي ..بس ماش مالقيته ...مع اني دورته ...بس البنات هناك كثير وكل ماقلت هذا ولد عمي شفت بنت ونسيت ولد عمي ...وينتهي ذاك اليوم ولا لقيت ولد عمي..قلت بس ابطمر لشارع الشانزليزيه بواشنطن..وعند برج بيزا المايل قلت ابسوي شوية رومنسيه وطاق ذاك الشورت ...وطالعه ذيك السيقان اللي وش تقولون بس..وانا ما اشوف الا حوادث من حولي(يحق لهم اللي يشوف سيقاني مايصدم يعني ...اصلها جريمه اللي يكفينا الشر)وانا اتمشى هناك الا وذاك الداعس من بعيد وانا اقول بقلبي اعرفه ولا ماعرفه ...وهو مازال داعس وكل شوي يقرب مني (وش هالعله...شفت مرجوج وعاقل)والله ياهو
نشبه وين ما اروح القاه ..وانا اقرب منه واسلم عليه..واقعد انا وياه نتندح حول قمة افيرست..ونتمشى ..(صراحه سيقانه تجيب الهم ياشين الشورت عليه)وحنا نجلس نتعشى في عصاير ماما نوره وناكل ذاك الحمص اللي وش تقول بس ولا الفلافل اللي ماتمل منه(ماما نوره واقول امريكا)وكالعادة الحساب علي ومرجوج وعاقل جاحدني من جد
واقعد ثلاث شهور وانا ادور على ولد عمي ومرجوج وعاقل لازق بحلقي بس تكللت كل جهودي بالفشل الذريع قلت ياولد خلني ارجع للسعوديه اصرف لي وبلا بطل قومي بلا هم وانا اجيك داعس من امريكا بالنقل الجماعي..واول مادخلت البيت ماتسمعون الا صبخ وكفخ(انا المكفخ وش تبون عاد)فقد كان والدي لطيفاً معي الى ابعد حد من الحدود فقد ادخلني الى الصاله ...ولا وش اشوف مزبطين الشباب حلبة في صالتنا... وامي ماسكه لوحه ومكتوب عليها...يسقط عويشق... وينتصر ابو عويشق... ولوحة ثانيه مع اخوي الصغير مكتوب عليها ...بالطول بالعرض ابو عويشق يهز الارض... اول ماطبيت الحلبه وقبل احئيي الجمهور ابوي على الطاير بسبلكس خلفي وامي قاعده تمد الكرسي لابوي وتقول اصبخه مع دميجته واخوي الكبير ماسك التحكيم ويعطي ضربات كوووع (حكم من يقدر يقوله انك غلطان) وابوي يطمر على زواية الكنب ولا كنه سنوكا يومه بعز شبابه... ويهوي علي بضربة مرفق ...ما ابي غيرها ... ويخرجني والدي من الحلبه بعد ماسحب فيني صالتنا كلها ... حتى اني حفظت عدد شعر السجاده حقت الصاله...
---------------
*الغريب في الامر هو اني نسيت كلمة(كان) اللي فوق وهي معناها انه رجع قبل اروح بس يالله هذي الهداره وماتسوي...

_____________________________________________


امثال عويشق..
----
الباب اللي يجيك منه الريح...فكه ورح اكسره على راس النجار اللي سواه لك..
-----
العين ماتعلى على الحاجب واذا علت انصحك تسوي عملية تجميل ولا بالله وش جابها فوق حاجبك
-----
اذا كان حبيبك عسل...يمدحون اقرب خباز تميس وغمس فيه..
----
عصفور باليد احسن من عشرة على شجرة في شعيب الرمحيه..يبي لك شباب ويبي لك بنزين يارجال عصفور احسن من العشرة ذي..(مثل استكلندي)
----
من زرع ... اكيد يبي له حصاده ويبي له عمال ويبي لك مويه..يارجال لاتزرع اصرف لك...
----
اذا كان رب البيت للدف ضارباً..يبي لك تشتري دافور حتى تحمي الدفوف اذا ارتخت..
-----
اذا كان الكلام من فضة..فالسكوت من ذهب...يعني طال عمرك ابتل طول حياتك ساكت وراجع لك محلات الذهب بع سكوتك...
----
----