يعني ما صدّقت ومن الله تدورها؟؟
طرّيت فرقاك وتسابقني فراقي!!
ياخي تأكد وحللها وفسّرها
يمكن تغلي وحدتني له اشواقي
اصبر ,, نشوف الليالي وش بوادرها
يارب فيها فرج للصدر لا ضاقي
ترى المحبه تناصر من يناصرها
وترى الجفا مر طعمه صعب ينذاقي
لا تكسر الصوره اللي صعب نكسرها
ولا تخلف الهقوه اللي كنت بك هاقي
اما إذا انك مصمم لا تأخرها
ما دام حبّك تمكّن صح ,, باعماقي
اخاف لا تكبر القصّه واكبّرها
واخاف لا اكرهْك باقي عمري الباقي
الله وكيلك عيوني لا تسهّرها
ولا تخلي الناس تكشف خافي اوراقي
عطيتك علومي اولها وأخرها
واخلاقك اخلاقك و أخلاقي اخلاقي
العرض الشجري
