_______
(قصة دلـخ)
((مكاالمه هااتفيه))
____________________
مره وانا في عز النوم الا فجأه رن التلفون وابوي شايل الارقام كلها مووب مخلي الا رقمين 8 ، 9 يعني مالك الا تدق على الشرطه ولا الدفاع المدني مافي غيره ، المهم رفعت السماعه و اقول نعم الا وذاك الصوت اللي يرد الروح (( الحمد الله والشكر اللي يقول اول مره احد يدق عليه ))
... صوت بنت ... وأخوكم اذا سمع صوت بنت يوجعه بطنه (( ماهي بنت صارت مرض )) وقالت : الو انا عاد ماعرفت وش اقول انشلت براطمي (( شكله عربجي ما دامه يقول براطمي ))
كأني _____قلت الو وقالت مين معاي قلت لها معاك انا (( صراحه جواب يدل على شده ذكائه ))
وهي اللي تضحك وانا قلبي احسه مو طبيعي قالبها سامري (( شكله فيه طرب )) المهم قالت لي : سوسو موجوده قلت : ما ينفع عب عب قالت : شنو قلت : عب عب دلع عبادي (( شكله مايعرف وش هو الدلع أصلا ))
وهي اللي تضحك مره ثانيه وقالت : يؤيؤ شكلي غلطانه (( توها تستوعب انها غلطانه بالرقم )) قلت لها : لا عادي لا شكر على واجب ولما قفلت التلفون صدقوني مدري وش حصل فيني حسيت ان ودي اروح الحوش (( يعني المكان اللي اول ما تدخل البيت تشوفه يعني التهويه )) لايكون هاذا الحب اللي يقولو عنه عاد انا ماني متعود على البنات لأن بيتنا فيه خمسطعشر رجال (( يعني 15 ))
المهم يعني انا و اخواني ماقد شفنا بنت ابد وهاذا سبب لنا العقده الفيسلووجيه (( من وين جات هاذا مدري )) المهم انا قررت يتعرف على بنات بس مشكلتي ماعندي اسلوب ابدا (( يعني وقفت عند الاسلوب اصلا انت كلك مشاكل و اولها وجهك اللي كأنه انتبه امامك نقطه تفتيش )) وطبعا مالقيت الا واحد من العيال اسمه رياح (( اول مره اسمع بالاسم هاذا ))
رحت له وقلت له مشكلتي وهو اختصر السالفه وخذ جواله ودق على رقم وقال لي اسمع وتعلم ، قال : هلا حياتي هلا عمري هلا روحي انا لؤي حبيبك و مجنونك (( والله هي ماراح تصير مجنونه الا أذا شافت وجهك )) وكمل لها وقال احبك و اموت فيك انا بدونك مثل البيت بدون حاره ويقول عبادي : قسم بالله لما سمعت كلامه ودي اضمه و ابوسه للعن ابليسه ياخي لو يكلم جدار كان ذاب (( ليه يذوب شوكولاته هو ولا كريمه )) وهو عطاني جواله وقال لي كلم هاذا و قول نفس الكلام اللي قلت لك عنه وانا ماسمعت صوتها الا ضاعت علومي وقلت لها بابا فين (( لا يكون عمرها 5 سنين وانا مدري صحيح ماعندك اسلوب ))
وانا ماحسيت الا بذيك الجزمه اللي لاصقه بمقفاي وقال لي قول نفس الكلام اللي انا قلته يا الدلخ وانا اللي اقول لها : هلا حياتي هلا روحي هلا تعالي (( شايفها قطه قال ايش قال تعالي ))
هي قالت طيب و بعدين قلت لها : انا بدونك مثل الكيبورد بدون فاااره والتقاطع بدون إشاره والحمار بدون حماره (( كأنه غلط عليها )) انا الددسن وانتي الغماره ماسمعت الا طووط طوووط قال لي رياح : وش فيك قلت له لا بس الخط مشغول ، طبعا رياح كفخني وطقني لين ماراحت ملامحي (( وانت من قال لك ان فيك ملامح انت يبغالك مثل الملابس يحطون لك ورقه عشان نعرف وجهك من قفاك ))
________________
آآتمنى انها قد نآآلت آآعجآآبكم
منقوول^_^
العرض الشجري
