الحقو لايفوتكم هنا حريم اذا تجمعوا ويناظرون مباراه الهلال والنصر تعالو واقرو وردو
وش يصير اذا تجمعو حريم وبنات علي مباراه للهلال والنصر
السلام عليكم ورحمه الله وبركاته
مهاوشه بين بنت هلاليه ونصراويه!!!!!
كيفكم
اليكم هذي القصه بين بنتين وحده هلاليه ونصراويه
الحين لو يسمحون للبنات انهم يرزووون وجيهم في مباريات الهلال والنصر وش تتوقعون يسووون ؟؟؟
انا باقول لكم اللي جا في بالي...
هلالية ونصراوية يتهاوشون .. النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ . . وترد الهلالية: وع على لاعبينكم القواطي مالت عليهم ... ماعندكم صاحي إلا سيزار وبدا يخرب بعد .. بعدين لو فيك خير ما لبستي عباية كتف
أم تهاوش بنتها المراهقة: وجع إن شاء الله تغطي.. شوفي هذاك من اليوم يناظرك .. ترى والله لأعلم أبوك عليك وحدة عربجية تصايح: يا حارثي
يالنذل .. لا تكسّر سامي حسبي الله عليك بلا
وحدة تبكي قلبها متقطع وأختها تقول: خلاص يا بنت الحلال .. قسم بالله التمياط إصابته بسيطة .. شوفيه بيرجع للملعب مرة ثانية
حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق
وحدة دلوعة تقول للى جنبها: لو سمحتي معك كريم واقي من الشمس؟ ما لقيت كريمي
وحدة فاضية تسئل اللى حولها: ما شفتوا عدستي الرمادية؟ طاحت الله ياخذها
وحدة ثانية فاضية: من يعرف طريقة محشي ورق العنب؟ عجزت أضبطه
وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟" .. طرااااخ صوت كف متعوب عليه
هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك
وحدة بريئة: يا حبي لك يا شلهوب ياصغيرور...
وحدة ما تدري وين المباراة معه: أحلى على الطول يا مفرج...
وحدة مسوّية نفسها فاهمة: يامدرب الهلال .. طلّع النزهان ودخّل بداله ادميلسون (ادملسون يلعب من البداية) وقدّم خميس قدام .. ونزّل أبو يعقوب الله يقلعك
وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد
وحدة تراقب الفاول ويدها على قلبها واللي جنبها تقول: البارح رحت العقارية .. بس ما لقيت شي حلو الله يقطعهم ... عبايتك مشتريتها من سيدتي الجميلة ؟؟؟؟؟؟؟ ( والثانية معطيتها أشكل )
هذي بعض الهتافات والأحاديث الجانبية النسائية في الملعب كما تخيلتها!!!
اخوكم المملوح
العرض الشجري
