فضيحة نانسي مع ..... !!! (شي لايصدق)

[الاميرة ود]

بسم الله الرحمن الرحيم

كيفكن يااحلى اعضاء ..
ان شاءالله بخير..

بدي احكي معكن بموضوع مثير ومهم

فضايح الفنانات والمشاهير

الفنانة اللبنانية تتطاول على الله...
الفنانة الخليجية يتم القبض عليها وهي في حالة سكر شديد
فنانة كويتية تقيم في شقق دعارة
الفنان السعودي يتم القبض عليه بصحبة فتيات في وضع مخل
الفنان المصري يشتري المعجبات
القبض على فنانةعربية شبه عارية
انتشار فيلم اباحي للفنانة الشهيرة.....
القبض على اللاعب العربي وهو يتعاطى المخدرات..
فضيحة لاعب في احد المراقص..
فنانة عربية في احضان احد الخليجيين..
فضائح الناس

القبض على شاب خليجي بصبحة فتيات اجنبيات
مطاردة فتاة عربية من قبل شباب ...
شاب يغتصب اخواته...
اب يمارس الجنس مع بناته ال6
اغتصاب رجل لطفلة في ال5
الخ

شو القصة ياعالم؟؟؟؟؟؟؟
بقرأ كتير بالمنتديات هيك مواضيع وبتحتل الصدارة من ناحية القراية

السؤال بقول...
ايمتا كانت فضايح الناس بتهمنا؟؟؟
سواء كانو فنانين او ناس متلنا؟؟؟

السؤال التاني...
ليش صارت اهتماماتنا شو عملت فلانة وعلانة وفلان وعلان؟؟

السؤال الثالث..
ليش صرنا عم ندور على فضايح الناس وبننشرها بكل مكان وبكل الوسائل الحديثة
والرسول صلى الله عليه وسلم قال(من تتّبع عوره اخيه فضحه الله ولو في عقر داره)

السؤال الرابع ..
ليش صرنا عم نشمت بفلان وفلانة فنان او اي انسان عادي؟؟
وبندعي عليهن بالويل وبالمرض وبالموت وغضب الرب بدل ماندعيلهن بالهدايه
ونسينا انو الرسول صلى الله عليه وسلم قال(لايؤمن احدكم حتى يحب لأخيه مايحب لنفسه)؟؟

السؤال الخامس..
ليش صار القذف عندنا سهل متل شرب المي
صرنا بنحكي عن الفنانة الفلانية ساقطة وهاي بنت حرام وهاي.......
وهاد الفنان او الانسان العادي ابن حرام...
اوبلاشرف؟؟؟
على اي اساس صرنا بنحاسب الناس؟؟
ليش صار كل واحد فينا رب للناس عم بحاسب ويقرر العذاب والعقوبة كمان؟؟
ليش بس نشوف فنانة لابسة عاري حكمنا عليها بالسقوط ؟؟
ليش بمجرد مايغلط بني ادم ندعي عليه ونفضحه بكل مكان؟؟

السؤال السادس..
ليش الواحد فينا بزكي حالو من الاخطاء..وبعتبر حالو معصوم عن الغلط..
وانو هوي نبي مابغلط..
وانو كل الناس ساقطين اخلاقيا بنظرو؟؟
ليش الواحد فينا ازا مامشي العالم متل مابدو
دعا عليه واستخدم الفاظ غير لائقة؟؟
ليش دايما نحنا العرب بالمنتديات الغربيه نكون اكتر ناس بحاجة لتربية اخلاقيه..
لان الردود في المنتديات الغربية من العرب
عن جد فضيحة وسقوط إلنا..وبدلّ على انيميا حادة بالاخلاق..

بالاخير بحب قول للكل..

كل واحد فينا إلو عداد حسنات وسيئات

وكل واحد بنشر فضيحة لفلان حتى لو كان فنان

وشو ماكانت ديانتو

عداد سيئاتو شغال وبعدّ عليه..

ومابظن حدا بحب يقابل رب العالمين وجهو اسود من

المعاصي وبحمل اوزارو وأوزار كل واحد وصلّو فضيحة
نشرها بأي مكان..

وبحب اختم كلامي بحديث الرسول صلى الله عليه وسلم فيما معناه(لاتحاسبو الناس وكأنكم ارباب)

ودمتم بحب...