رووووح الشـــــــعر,,,,,,,,,,,

[mhageer]

قـالوا حبيبك يسمع الشعر؟..قلت ايه
0000 يقـــراه بعــيـوني قبل تسمــــعونه..

لولاه حتى طاري الشعر ما أبيه
000 مير اكتبه من شان خاطر عيونه ..

هو روح شعري وأمنياته وماضيه
000 جذع الشجر وش كان لولا غصونه ..

أكتب لغيره والقصايد تجي فيه
000 كن القصايد حـــالفه ما تــخونه ..

هذاك لامنه زعل .. قمت اهاديه
000 حتى وهو مخطي تعذرت دونه ..

يمكن لو انه يلمس الجرح بـيـديـه
000 يستغرب ان اللي لمسها طعونه..

ابطى وهو غايب وزلت حراويه
000 وانا من العام اتحرى مزونه ..

هو ما درى اني في غيابه محاتيه
000 ليته نشد عن حالي اللي يجونه ..

واقلبي اللي توه افـــلت عراويه
000 كيف انسرق وضلوع صدري حنونه ..

عجزت ارده كن ماني براعيه
000 يوم انتثر شوقه وهاضت شجونه ..

يبسن عروقي لكن اللي يعزيه
000 ان اكثر العالم .. تردد لحونه..

خافوا من الله .. لا تجيبون طاريه
000 لا صرت انا موجود .. لا تذكرونه ..

لو كل غالي جابه الله لغاليه
000 ما شفت لك مخلوق .. تبكي عيونه

-----------------------------------
قصيده للشاااعر:--
**متعب التركي**

(منقول)