ضاق الصدر وتفجرت بعض الاسرار
يوم الليالي فوق راسي فجيعه
محتار مامثلي مع الناس محتار
في حيرتن صارت لقلبي طبيعه
وانا بشر من طين ماخلق من نار
صابر على نارن بصدري وليعه
جتني مصايب شر يوم الزمن جار
واناعلى نهج النبي والشريعه
مسلم ولاني تابعن دين كفار
فكري على قدي وشوفي يطيعه
طبعي يعاف الشر ويصد الاشرار
وقلبي طريق الصدق مبسم ربيعه
شاعر يحاكي باب ويحاكي أجدار
يسقي لهم شعره على اول طليعه
يبدي لهم ظيم وهواجيس واعصار
ويختم لهم شعرن ابيوته رفيعه
وانا تبعت الحب والحب قدار
ومر المحبه والمحبه شنيعه
حب(ن) مضى تاليه صورة وتذكار
صورة غرام(ن) في خيالي بديعه
ورغم المفارق صابرن صبر صبار
صبار صابر معطي الصبر بيعه
بسباب خلن للمحبين سحار
غريب مامثله خيال وطبيعه
عينه سوالف والنظر فيه ينهار
ويضيع بعيونه 80 ضيعه
وشعره سواد الليل يالله ياستار
استر عليه ابكل شين يريعه
والخشم سلة سيف والسيف بتار
له ضربتن يوم الملاقه سريعه
وخدة شروق الشمس من بعد الاسحار
يجمع جمال الكون كله جميعه
بدرن تكامل واستلب كل الانظار
نورن طبيعي نور ماهو خديعه
هذه البلى اللي فيه سطرت الاشعار
واللي عليه النفس نفسن وجيعه
اقفى وهجرني هجرتن مالها اعذار
هجرة قطيعه مابعدها قطيعه
اثر الهوا قدار قدار قدار
بعد الغلا فيه القطاعه طبيعه
العرض الشجري
