وقـف لي الحـظ الـردي بحـصااته
كـل مابغـيـت ادق في ارضِ وتاادي
تعـبـت احـاول فـيه وزعـج سبـاتـه
فـي دنيـتي كـني بحـبس انفرادي
كـني غـريـق تـاه قـارب نجـاتـه
محــد سمـع له صـوت مهما ينادي
ولا الضـريـر الـي مضـيع عـصـاته
ولا صــويـبِ طـعـنتـه بالثنادي
تـنزف جـروحــه ويتحـرا مـماته
مادام غـاب الّي نقـش في فوادي
اسـمه وصـوره مـنه واحـلا سمـاته
وحـبٍ عـفيف صـار شـربي وزادي
حب تمكـن ما تزعـزع ثباته
فـي القلب صـال وجال حسـب المرادي
يبقى الغلا في الروح نبع لفراته
والشـوق يزداد أله رغـم البعادي
لو يطـلب عـيوني بلا شـك جـاته
والـفـكر مـن بعـده بدنـياغـادي
ياعـين كـفي دمعـتك وعــبراتـه
وياقـلـب لاتجـزع تـرى شـئ عـادي
مكتوب اواجـه فـي زماني شـتاتـه
واشـوف مـاخـطـه نصـيـبي وكادي
ويانفس طـيـبي واتـركي هـالشماته
و رضي بقسمتة من رزق هالعبادي
ربٌ كـريم والعـفـو مـن صـفـاتـه
كـل سجــد لـه حـي ولاجـمادي
وسـلام من رب عـظـيم وصلاته
عـلى النـبي الهـاشـمي خير هـادي
العرض الشجري
