لعلمك يالثواني يالدقايق يالبحر يالنار
....................... لعلمك يالجهات الاربعه يالارض يالغابة
لعلمك يالمواني يالسفن يالساحل المنهار
......................... لعلمك يالحروف الغايبه في داخل كتابه
لعلمك دام هم يقولون كل الآدمين احرار
........................ نويت اهد هالدنيا واعيش اليوم لحسابه
ابزرع له سنينه كلها ورد وغلا وازهار
......................... ابزرع له عيوني كلها واموووت لعتابــــه
ابجمع له بساتين الوله والحب والاعذار
.....................ابرسم له تظاريس الهواء والعشب وهضابه
ابتركها يديني تسبقه في اول المشوار
........................ وابترك نصف نبضي ينتظره ويجمع العابـــه
بسافر من عيونه في عيونه واكتب الاشعار
........................ وابرحل من يدينه في يدينه وارسم اهدابـــه
على كل حال يادنيا انا مالي عذر او ثار
.......................... بنادي في نهارك ليت ليلك يمسك اعصابه
وابحكي لك حكاية كان ياماكان يالاقدار
................... طفل في ضحكته كن القمر والشمس تتشابه
يداعب هالخيال وهالخيال بطلته يحتار
...................... ويسرق هالعمر مني وانا من اقرب احبـــــابه
دقايق بس كيف آمن عيونه للوطن والدار
........................ وكيف امنع عيوني تحرسه لاصارت اصحـــابه
هذاك بذمتي لو اقطف عيونه تصير ثمار
......................... وتنبت في كفوفي دمعته وتهون لسبــابـــــه
هذا بذمتي لو هو مبعثر يلفت الانظار
......................... وتركض له معاني فرحتي من كثرة اعجابــه
احبه ايه احبه هو ملاذ النبض والافكار
.......................... وامووت الفين مره لو اعيش الوقت بغيابــه
( بقلمي )
العرض الشجري
