صباح الخير..
عيني اللي رافقت كثر السهر= كل ما أغفى؟ فز! قلبي من هموم
ياعرب كيف الطريقة يابشر=لبدت شمس السعادة بالغيوم
هم روحي طاولن ما أقوى الصبر= من ألم وأحزان في روحي تدوم
جسمي المنهار في كف القدر = ما يعاوني على شد العزوم
لو صبرت أيام أو أصبر شهر= الفرج هو والأمل.. أصبح حلوم
لو تنفس حظ.. ما عمره يسر= عارفن (حظ القرادة) مايقوم
ياحياة الغم في ميل الدهر= هو بقا لي فيك للفرحة! بيوم
لو لمع برق الأمل .. ماله مطر= سيف عمري بالهناء كله أثلوم
فوح كبدي!! كنها تصلا الجمر= جرح قلبي!! كنها غرز السهوم
وقف رجلي!! كن ساقي منجبر= حير فكري!! دورته همً يحوم
ويل حالي صار لي ثاني خبر= في صدى الأعماق سجلنا العلوم
الحقيقة!! لو أعدنا بالنظر= أو سمعنا الرأي .. بس على العموم
عيني أصلاً رافقت كثر السهر= وقلبي أعتاد الغرق وسط الهموم
العرض الشجري
