سافرت عن دارك أحسب إني أنساك = وأثريك تملك با البلاد القرايا
في كل شارع في مسافاتي ألقاك = تردني يمّك جميع الزوايا
إذا نظرت هناك .. وهناك .. وهناك = أشوفك لحالك بكلّ المرايا
أعيش عندك داخلك في ثناياك = لو أبعدتني با الحياة القضايا
صورتك من راسك إلى إبهام ماطاك = مطبوعةِ با القلب بين الخلايا
أنت الوحيد وباقي الخلق تفداك = أنت الحلا والناس مثل الحلايا
أنت القمر .. أنت المجره .. والأفلاك = وأنت الولي .. أنت الوصي .. والوصايا
أنا أشهد إن الله بلاني ببلواك = وأنا أشهد إن الله عطانا العطايا
وشلون تبي الله با الخير يجزاك = يكفيك ليله من ذنوبي خطايا
كم دمعةِ سالت لذكرك وطرياك = وكم صرخةِ تشب نار الحنايا
الغرس في صديان أسقيته بماك = وحصدت با الظهران سمّ الحيايا
وهاذي سنيني واقفاتِ تمناك = لا فرّقت شمّر حبال المنايا
سطام الشمري