ياسعود قل للردي يقصر مشاويفـه *** وش عاد لو كان ولد فلان وفلانـي
ان جاء براسي ترى ياسهل تطريفه ** واشيب عين الـذي قلبـه تحدانـي
حنا نعرف السنافي مـن سواليفـه *** والا الردي راكبه تسعين شيطانـي
والرجم لو طال نرقى في مشاريفـه *** ومن لارقى فوق خله دوم تحتانـي
الوسخ وسخ(ن) ولاينفعك تنظيفـه *** أعمى بصيره بعد والقلب عميانـي
والله لوك تحوفه حوف فـي ليفـه *** تلقاه في وحل غيـه دوم غرقانـي
لا ماعلى الهيس والمجنون تكليفـه *** يحسب حساب المهبل مثل ورعاني
ياصاحب المنصب المرموق ياالجيفه *** ان كان تسأل عليه وين؟ هاذانـي
يامعمي العالم المجنون فـي زيفـه *** من غلوة اللي تصوب جان ماجاني
من شام نفسه تشوم بعز ومعيفـه *** وياطيب نفس(ن) ترفع عنك ياداني
ماكل حر(ن) تنهض باتـرٍ سيفـه *** يخدعك شوفك وهو به فعل حوماني
يامحرف العلم تدفع ذنـب تحريفـه *** باالعقل مايدفعه لـك واحـدٍ ثانـي
اللي خسى الريح ماحـرك نفانيفـه *** ماتحركه ضحكتك لو كنت لبنانـي
ابوك من حشمته ذا يحتشم طيفـه *** مايكشف الستر لوهو كان وحدانـي
وان كنت قد الفعل مااريد تصريفـه *** اعسف بيوتي ياولد فـلان وفلانـي
العرض الشجري
