مافيه داعي نشرح الوضع تكفين=انتي علاج القلب وانتي دوى ً له
حلمت حلم انك بجنبي وتبكيــــن =وامسح دموع عيونك اللي تهلــه
خيـــال حلم ٍ تجذبه دمعة العين=مع غفلة رموش العيون المظله
حالي قظى وانتي لحالي تشوفين=ومن سبتك بالقلب تسعين علــه
ليتك عن اللي داخل الجوف تدرين=تدريــن عن هـــــم ٍ بقلبي يملــــه
ياما صبرت ايام وشهور وسنين=برجواك ياراعي الرموش المظله
حبك حرمني عن جميع المزايين=وحبك مكفيني عن الحي كله
لو ان حبك ينشرى بالملاييـــن=والله لسوق المــال دقــه وجلـه
اقســم برب ٍ له عبــاده مصليـن=منساك كــود طويق يخلف محله
وحان الممات ولا حصل نقظي الدين=والحظ دونك واحــد ٍ واقــف ٍ لــــه
بوصفلك قبــري كان ودك تمرين=بـــعطيك وصف ٍ لابغيـــته تـــــدلـــه
بأرض الشمــال وقبلة القبــر رجمين=الايسر منهن يلـــحق القبـــر ظلــه
ولا جيتي عند القبر باسمي تنــادين=واجاوب اللي جعل روحي فدىً له
وبيدك عن جســم ٍ رحل خفف الطين=واطلب له الغفــران عن كل زلــــه
وليابغيتي فــــوق قبري تصليـــن=لياسجدتي خلي الشعـــــر فلـــــه
اشــم ريــح ٍ مثل ورد البســاتيــن=وجسم ٍ كــلاه الـــدود ريحــك يبلـــه
وعند الوداع اكتب على القبر حرفين=مرحــوم يلي صاحبـــه ما حصلــه
العرض الشجري
