السلام عليكم ....
واليوم عقب السنه هبت شماليه
ياحي ريح الشمال وعطر وياها
لي مده مدري وش اللي صاير فيه
بيتين من تنكتب امل وانساها
متكدر خاطري شكواي مخفيه
بين الحروف الحزينه مخفي بكاها
والحمد لله عاد الماء لواديه
ورجعت انا كل بير جاذب دلاها
ولاكل بير سهل يوصل لياميه
قلبان نجد الطويله من شرب ماها
لو ضقت هالحين اشوى راحمٍ ليه
هاجوس شعر هموم الضيق يجلاها
تغير فكره يوسع صدر راعيه
فكره ينقي بيوته يحبك بناهـــــــــا
ويبني بيوته ويخضع كل قافيه
تجذب عيون قرت عنوان مبداها
وتعزف حروفه لحنها بكل حنيه
باوتارها من عزفها بتموت بيداها
العام ليته عسى مايعود طاريه
وسود الليالي عسى مايعود مسراها
يالله عطنا على ماتحمل للنيه
ماغيرك احد نوايانا بيقراهــــــــــــــا
ياهي نسمة هواء هبت شماليه
جتني يريحة هلٍ غالين وياهــــــــــــا
وسلامتكم
العرض الشجري
