نقد شعري : وش عرفك بـ الشعر .
وش عرفني بـ الشعر .. طيب .. خذ ردي :
.
.
.
عبدني الشعر يوم اني .. صغيرً با اول ازماني=و اسمتني حروف الشعر .. آله الشعر واحروفه
انا هامه من الاشعار .. انا للشعر رُباني=تعنى كل قصيد الكون .. لاشعاري تبي تطوفه
انا اللي قد ملكت الشعر .. مليك وشعري اوطاني=ومسامع البشر شعبي .. تسمع لي وملهوفه
ويوم النقد جاء ناوي .. دماري زلت اعواني=شبه صدام صبح العيد .. سحبه الكفر بكتوفه
كم ناقد كسر بيتي .. با اسم النقد فتاني=سمع بالشعر واوزانه .. جهل بالنظم واطيوفه
انا يا جاهل الاوزان .. اغني الشعر وغناني=عرفنا الرب بالتفكير .. ولاهي العين اتشوفه
لون الشعر اهو لوني .. وارسمها على الواني=بيكاسو وليوناردو .. تبهرهم من اوصوفه
وانا اللي ماكسرت البيت .. اغني الشعر بالحاني=انا اقسى معاني الشعر .. نظمت الشعر معزوفه
انا للقاف دار وبيت .. وحروف الشعر رُهباني=تَعبد من حروفي القاف .. ونوايا الشعر مكشوفه
انا يا مدعي بالشعر .. كسرت ابروؤس عدواني=وجنايز تعجز اعدادك .. تعد اكفان ملفوفه
انا لو تسال الاشعار .. تردد فهد رباني=بعد ابوي تبناني .. كسير القاف ومردوفه
مشاني على قافه .. كسير القاف انهاني=اداوي كسره ابروحي .. كسيره تعاني برفوفه
يسمونه زمام الشعر .. وهو للشعر دياني=رهيف الشكل والمنظر .. ذليل النفس بوصوفه
انا لو اكتب ابياتي .. تفوح اعطور ريحاني=وردً زاهيً لونه .. من البستان مقطوفه
انا يالناقد المعلون .. حي والناس تنعاني=فقير ًمغتني بشعري .. وغيري يمدلي اكفوفه
انا ربي اخذ مني .. ضحكي .. وسعدي اعطاني=بليا وعي .. ولا .. بوعي .. بعزي النفس متحوفه
صحيح اني قصير القام .. قصير اقدام وسيقاني=لكني قسم بالله .. كويت الشمس بكفوفه
لو تدري بطيب الوقت .. يداوي جرحً اشقاني=وهو في صدره وجوفه .. ثمان اسيوف في جوفه
ثلاث اعوام انا حاكم .. حكمت الشعر ميداني=وعشرينً من الاعوام .. تلتها همومِ مرصوفه
انا ياسادة الشعار .. سيل الشعر ديواني=وغيري يشتري شعره .. بدراهم كوم مصفوفه
انا سيل القصيد اللي .. صعيب القاف قيفاني=انا رعب القصيد اللي .. يزيد الخوف في خوفه
انا ظلً تذرى به .. وتحتي القيض تصلاني=انا لو احكي اهمومي .. تشوف الشمس مكسوفه
انا .. انا .. انا .. انا .. لو تدري بك اوزاني=قسم بالله ماتدري .. تشوف الموت بصفوفه
انا يامدور الاعذار .. طليق وحر جنحاني=افردها على ما ابغى .. اطول العز واشروفه
وانت مكسر الجنحان .. يمر الليل وجعاني=سواة اللي شرى طيره .. يعاني ريش منتوفه
تجيني انت يالناقص .. تقول ابياتك اتعاني ؟!=تعنيها على كيفك ..؟ تبي كسرك بها يلوفه ؟!
تجيز الشاعر المجنب ..؟ تجيز بشعر علماني ؟!=وهو في افضل ابياته .. اشوف كسوره مطفوفه
تبي تنهي حياتي .. كيف ؟! تفكر مثلك يقواني ؟!=وانا اللي قد تحدى الكون .. تجرد منه اسيوفه .!
انا عدلً قضى وقته .. وصار ابعينهم جاني=تجرع من نبيذ الهم .. عشر كاسات معيوفه
انا اللي متهم بالعدل .. اثاري الكذب سجاني=ياعمي .. توكل .. طير .. طواري العفو محذوفه
انا .. فهدً .. ولد .. فهدً .. من الربضانِ سلماني=انا اسمً يشق الغيم .. وتشوف اشعار مذروفه
كانك ياخفيف الباس .. علقم وسم ديباني ..!=انا عندي عشر ادلال .. سموم ومر مغروفه
كانك للجنون ناوي .. جنون ونزغ شيطاني=اسال عني الشيطان .. يرد ما الحق بمعروفه
انا يامدور الزلات .. عظيم الشعر سماني=آله الشعر .. يوم انه .. عنى شعري يبي يطوفه
.
.
.
فهد الشمري
العرض الشجري
