السلااام عليكم
وكل عام وانتم بألف خير
اتمنى كل التمني ان ترتقي لذائقتكم الشعريه
.
.
.
سما مزن(ن) من القبله يزخ من الوبـل زخـات
على شرق الخبر والثقبـه اليـا حـد العزيزيّـه
على صوت الرعد قلبي غدا يخفق كما النغمـات
وعلى وقع المطر عقلي يتراقـص طـاق طاقيّـه
وششت وقام عفريتـي يسطّـر بالـورق ابيـات
قوافي من ذهب تسبـك علـى الاوراق مقريّـه
ابد ماهي تصنع قاف كيذا مدري ترى هي جـات
على صوت الرعد ثارت حروف الشعـر عفويّـه
في وصف اللي بغرامه لا ...ولا تلحقني الشرهات
مميـز فـي وصوفـه ياعـرب ماتشبـه بنيّـه
حبيبي مكتمل ..والكامل الله فـي جميـع صفـات
وصوفـه معجـزه والله تكـاد تكـون كونـيّـه
عسل حالي محلى توت وذات الوصف هو بالذات
وعبقر حسن قامـت لـه تراكـع كـل حوريّـه
شذى مسك(ن) مع عنبر و رشات العطر رشـات
زهور وياسميـن و ورد مـع نفحـات جوريّـه
زبرجد مع درر ياقوت ممزوجه على الوصفـات
وحبّات(ن) مـن اللولـو مـن الدانـات منقيّـه
دلالاً ساكـن بعينـه كمـا الفـردوس بالجنّـات
ودلالاً يرتسـم خـده اليـا منـه نـظـر لـيّـه
عيونه كوكب(ن) دري سنا ضوه محـا الظلمـات
وحجانـه كمـا افقـا(ن) يميّـل باخـره شويّـه
ولها خشماً كما سيف(ن) يسـلّ بحـزّة الـردات
على صهوة جواد وفارس (ن) ثارت بـه حميّـه
عويد البان اليا منـه تثنّـى خصرهـا بسكـات
واليا منها مشت تنثر وراهـا اطيـاف سحريّـه
واذا فزّت تفّل الشعر وقامت ترقـص الخصـلات
ابد كنّه شعاع الشمـس بحـزّة قيـظ عصريّـه
وانا ماقدر اوصّفه بزياده... يكفـي اللـي فـات
يمين الله ....يمين الله ...وصوفـه اكبـر بليـه
وانا احبه على وضح النقـا مابـه ابـد شكـات
اموت احيا علـى شوفـه واحـب والله طاريّـه
تقولون لي سنه واقول مدري بس ترى سنـوات
ثلاث سنين ونـار العشـق فـي خافقـي حيّـه
تقولون العرب قالت تـرى مافـات عـده مـات
وانـا اقـول مافـات بغرامـه حــي وهنـيّـه
وانا بنخى ربوع لي لهم صـولات مـع جـولات
مصفـي نيتـي معهـم وهـم صفولـي النـيّـه
زحـول الرجـال اللـي تفكـك حـزة القـالات
تنسّيـك الهمـوم وتتبـع الحسنـه بـلا سيّـه
الا تكفـون ياربعـي .....الا تكفـون ياعبيـات
هل الجدعااا وانـا خابـر لكـم بالطيـب ماريّـه
الاشوفوا قليـب(ن) لـه سنـه يـردف الونـات
يـونّ وونّتـه تحسـب مـع الشعـار مرثـيّـه
حزين وخاطري ضايق وهيهات الفـرح هيهـات
اثاري الحزن ورثنّـي جميـع الحـزن بوصيّـه
وانا يـوم انتخـي فيكـم واردد دايـم النخـوات
بلايه هاقـي(ن) فيكـم هقـاوي ماهـي رديّـه
وسلامتكم
العبيوي
العرض الشجري
