طبعا" منقوووول
قصيده ارسلها الشاعلر مانع بن شلحاط لشاعر المليون خليل الشبرمي
تمعنوا برمز السؤال والاجابه
يقول بن شلحاط :
القصيده ياخليل الشبرمي توّاقه
تلتمس لك فالعلا لا خابت بمسعاها
نذر لولا المستوى والسمعه البراقه
من طغاها ما تلفت لك ولا تشعاها
لكن الحاصل واطرز بالتحايا باقه
في رضا منهو ايقدر صحبه ويرعاها
صح لسان الشبرمي في طلته واشراقه
مفخرة هامة مضر ياجعلني ماانعاها
ياالتميمي وش علومك واحتريك اشفاقه
ما علي من هذرة الشمطا وكثر ادعاها
بعد غيّرت الرقوم اللي بخد الناقه
ويش حال البكرة العفرا ووش مرعاها
والسلام اختام والجلباب شد ابناقه
صرة الطوّاش مايبغى العرب تثعاها
,,,,,,,, ورد الشاعر خليل الشبرمي يقول :
مرحبا بالشاعر اللي نقتدي باخلاقه
والعرب من هيبة بيوته تروغ امعاها
شاعر من روس قوم للوفا سبّاقه
ويام ياما من جموع شتتوا جمعاها
ايه يا مانع وثلثين العرب بواقه
والوبا فيها تفشى واكثرت وجعاها
ماعلينا من علوم العالم اللواقه
وما حدث بالشام مايخفى على صنعاها
ناقتي تجغم من الما والطعم ذواقه
وروّحت لمزبنة من صحته بقعاها
بين برج وناقلة غاز مسال وطاقه
وش لي بشبعا وشبعا مااشبعت جوعاها
والسلام اختام والجلباب حل ابناقه
دون لولو صرّة الطواش ناب افعاها
,,,,,,,, تمت
العرض الشجري
