هذه أول مشاركه لي اتمنى تعجبكم
وأنا على فكرة موشاعر بس اكتب الشعر وهذي اول قصايدي في المنتدى اتمنى تعجبكم
الدمع الثمين
يامن دمع عينك يثقل بالألماس
لاتذرف الدمعات يانور عيني
من يستحق دموع عينك من الناس
الناس ما تستاهلك ياضنيني
يا محرك في داخلي كل إحساس
حبك ترى هو الذي محتويني
اعلم ترى ذا الناس ياخل أجناس
أصابعي ماهي سوا في يديني
جتك المشاعر يوم هيضني إحساس
في داخلي دوم اتعود يجيني
يوم انتثر دمعك على خد حساس
حسيت ياعمري أبيك وتبيني
حرام تنزل دمعتك لأجل أنجاس
ما يعرفون الحب يا أجمل سنيني
لو حاولوا فيني مع كل نسناس
مافرقوا ياخل بينك وبيني
حبك سرى فيني مع كل الأنفاس
ويزداد شوقي لك ويعظم حنيني
واذكرك لامن هاض صدري بهوجاس
واذكر أنا الميثاق بينك وبيني
يوم أقول اوعد ولاتقطع الساس
فقلت لي أوعدك بالله وديني
ما أنساك حتى يبتدي دق الأجراس
وألفظ أنا أنفاسي وأقطع أنيني
وبقولك ياخل كلمه ولا باس
لاتحسب إنا نفترق يا خديني
ياخل اترك كل عاذل وهلاس
واترك هروج انجاس ماهي تبيني
الشوق لك فيني توقد واحتاس
نفسي أنا أقدر أجيك وتجيني
وأقول أحب وكل الأشواك تنداس
وتبوس خدي ثم تمسح جبيني
أقول لاتبكي ولاتوجع الراس
ولاتذرف الدمعات دمعك ثميني
ودمتم بود
العرض الشجري
