سلام يا شباب و بنات هههههه
أمحق من بنات
المهم
ما أول عليكم عندنا اليوم قصة مدرسة أمل أنكم تقرونها كاملة
قصة حقيقية لأحد المعلمات
حصل موقف وانا كنت على احد الرحلات الجايه من حايل الي قدر الله على وصرت من سكانها بعد ماجاء تعينيي هناك .اتذكر يوم ركبت الطيارة تاركه الرياض صواييح ذاك اليوم يحسبون المضيفين والمضيفات ميت لي احد بالطياره مادرو ان الجزمه اعزكم الله كانت ضيقه على ههههههه وصرت كل ماجيت للرياض بالاجازه تجينى الحاله الي جت جابر الصباح يوم يحول من الطيارة وحب ارض الكويت بس ماقدر اسويها اخاف يتوطوني هالشيبان الي جايين للمراجعات بستشفيات الرياض .
المهم ذاك اليوم مستانسه خلاص العطله الطويله جت وبروح لاهلي وبكيف عندهم. جلسوني بمقعد بعدين اكتشفو ان الي بيجلس جنبي رجال مو محرم لي وقفوه لين ضبطت معهم اخيرا مادري شلون شالو حرمه من عند رجالها وحطوها جنبي وزوجها جنبها بس يفصل الدرب بينهم المسكين طول الرحله وهو جادع راسه عندنا وحسر بالمضيفين علشان يرجع رقبته لمكانها الصحيح يبون يمرون الناس هههههههه
المهم كان بالكرسي الي قدامي شايب مادري منين جايبينه شكله تراث كنت شاكه انهم يبون يشاركون فيه بالجنادريه
جلس وجلس ولده جنبه مرافق له . طبعا كانو الناس يركبون والطيارة توها وشكل الشايب تباطا الوضع وقام يهوجن بصوت عالي الولد بحل ببوه يسكت فيه الشايب معطي ولده اشكل وخاش جو هههههه
جاء مضيف وقال للولد مايصير كذا فيه ازعاج للركاب سكت ابوك الله يل...يهديه ههههههههه
بالقوه يالله سكت الشايب بعد مالعن ابو الطيب بولده المهم اخيرا سكرو باب الطيارة الا قالو اربطو الاحزمه الا والشايب يعيي يربط حزامه ياعوذي يالوذي مافيه امل قام الولد يبي يمسك الحزام يربطه له قاله وخر لاتفل بوجهك الحين والله لونا حمير تربطونا
جاء المضيف على باله بيتفاهم معاه ويتكلم بأدب يايبه الله يهديك بس لسلامتك علشان مايجيك شي وبعدين فكه لاصرنا وسط الجو حنا خايفين عليك .
سكت الشايب شكله اقتنع وقعد يحك لحيته شوى ثم قال : الحين تبي تقنعني ان الطيارة لو تبي تطيح هالخرقه تبي تحميني ياخي الواقي الله وبعدين لا طاحت الطيارة نبي نولي كلنا الرابط والمفلوت واتفل على لحيتي لو حيا منا احد
يئس المضيف منه وراح وخلاه وكنه يقول بنفسه للهاوي انت وولدك والطيارة والركاب بعد ههههههه .المهم طارت الطيارة ونزلنا للرياض ساملين وماحبيت ارض المطار ههههههه والشايب خبري فيه يجرجر فيه ولده بارض المطار
للمعلوميه
0 ماربطت انا حزام الامان ) شكل الشايب اثر على ههههههههه
ثانكس ثانكس للقراءة تبرعوا جزاكم الله خير بالرد و شكرا
العرض الشجري
