عـــــرقــــوب=!
ليه ياعرقوب توعد ثم تخلف فالوعود=انت مثل اللي يقول ولا يوفّي في كلامه
الحكي لامن حكيته تسبقه صوت الرعود=والمِواقِف لاوقفت إبـ -. تلحِقِك بالملامه
بعض خلق الله يشيل الصيت للرجال جود=بعضهم مايشيله غير ثوبه والعمامه
ناس ماتِلحق وفاهم لو تقلط لِك قعود=والا بعض الناس يكفي لو تقلط له حمامه
والله إني عَرَفْتِكْ خَابر ٍ مافيك فود=منت مثل اللي مقامي يرتفع من مقامه
قلت لِك لامن حكينا تلتزم بالحدود=قلت لك من قبل شهر الصوم نبدى في صيامه
مير ذوق القـَرص ذوقه في جِنوبك والخدود=لا تقول اليوم وشبه لا تردد وش علامه
مثلك إليامن مشينا غصبْ لا قدناه قود=غصب إلامنه لقاله قول ياصل في عظامه
مثلك إن كانه وعدنا لازم ٍ له من شهود=منت مثل اللي كلامه يسبقه به قيامه
ظني إليامن وعدت إنعقــّــد الوعد بعقود=ما اظن بالعقد توفي لو تقوم القيامه
ماخذ الوقت كله من سهود ٍ في مهود=قاضي ايامك ولاهي بين ضحكك والهَيَامه
الحَذر يارفيق الكذب لا تعطيه زود=ودنا لامن سِمعنا عنك موقف فـ - الشهامه
عقب ما شبيت ناري جاتني منه الردود=جا تني منه الرسايل شايلات ٍ سلامه
ياسلامي على اللي منطقه مثل الورود=قالها من حر مابه يوم حس إبها الندامه
العرض الشجري
