أنــــــــــــــــــــــــا =ماهي أنا نيــّــة
انا من وين اجـيــب اللي يـشـد من العلوم القـاف = انا مــن ويــن اجـيـب القــول لـجـل القـاف أبنيها
انا ياما سهرت الليل اخــذت مــن النهار اطـراف =اراجع ماضي الـذكرى واشـيل الهـم وارخـيـها
انا هـمي عـلـوم الجرح حتى الحـرف مـنها خـاف = انا مدري جروحي كيـف اجـيـب القــول واشفـيها
انا هـمي زمـان وراح راح الـخـيــر فـيـه وطـاف = شب النار في قلبي ولا ادري كيف ابا أطفيـها
انا همي ظلام وكـيـف فـيـه الـشــوف دار وشاف = كيف اللي كفيف الشـوف شـاف الــدرب يـمشيها
انا همي عوايد ناس موجب راح ماش اعـراف = عيب وفيه وراعي الطيب يمشي الدرب مـخطـيها
انا هـمي حـقــوق الـناس ضاعــت مالها إنصاف = مـنهـو يـنصـف الـمـظـلـوم إلا مـن جـاه يـشكـيـها
انا همي فــحــق ٍ راح صــارت شــوفـتـه اطـياف = طـيـف وصـار مـثـل الحلـم حـلم فـعـيـن مـغـفـيـها
انا عـنـدي عـلـوم أثقال ماهي من علــوم خفاف = علم وشاب راس اللي سمع لي يــوم انا احكيها
انا شايـف سنـيـن إليا بـدت لي فالـزمـان عجاف = مات الغرس جف الـمـاء ولا سـالـت ســواقيـها
(انا عشت الزمان وفيه شفت من الرجال اصناف )= نــاس ٍ نـشـــري الـفـرقا ونــاس بـطـيـب نشـريها
انا غـيـضي جـبـان إلـيا لمحته يكـتـسي بـلـحـاف = غـــض الـطـرف عـنك إليا لمحك العـيـن يـرخيها
انا صارعت مـوج البحر حتى ما مـعي مـجـداف = مـوجــه شــالــت المركب وانا ادعي الله ينجـيها
انا عشقي ترى الفزعه شريف طـبـعـنـا اشـراف = واعــشــق دايــم الـفــزعــة وانا يـنـقال راعـيـها
انا لامن شكى غـيـري بكيت إن كان جـاه خـلاف =انا مـقـوي اشـوف هموم غـيري أن قـام يـبـكيـها
انا اجيهم وكني يـوم انا اجـيـهم طـبـيـب اسـعاف = طـــــب إن فـــاد فــالــعـــدوان (ولا بــنــار نكـويها)
انا يامـا تـحـمــلـته خـطـاه إن كـان مـثـلـي عاف = مــنـهــو راعـــي الـفــزعــة ليامن جاه بـاغـيـها ؟
انا ياما حملت الغير فوق الراس وفــوق اكـتاف = واسرف في جميل الناس . وكـيف الناس نرضيها؟
انا مسكــت على حـقـي يدور إبـه الزمان ولاف = لــو هــي طـالـت أحـقـوقي تـعـوّد فــي مخابـيها
انا مالي تــرى وجـهـين وجــه ولا كـساه غلاف =لي كـلـمـة لـيـامن قلت امـــوت اليوم واحميها
انا عـايـش رفـيـع الراس ماني ( جعفريّ )اوصاف = ازيـد الـمدح فــي المقبل واذم فالناس مقفيها
انا لا مــن خـذيـت الحق ماقبل فالحلول انصاف = ناخــذ مــن عـلــوم رجال وكــم مــن علم نعطيها
انا جيت وشرابي طيب واشرب كان ريقك جاف =واشــرب كـــم رجال ٍ قمت انا بالطـيـب وارويـها
(انا - مـاهــي انانـيـة انا والـنـفـس فـيـها إعـفـاف) = اعـــف الـنـفــس عن غـيري على العــزه مربيها
انا للحـق جيت امشي ولانـي مـن رجال ضعاف = قــوة دين فــي كــل حــيـن ويــن انـتــه ملـقـيها
انا يامـن رمـيـتـونـي بزور وفـوق زور ازيـاف = زيــف الـقـــول ولا لــك حــول ولاقــوة تـــعـنـيها
انا يـكـفـيــكــم إلـيـا قلت قولي يـتـبـعــه ميـقاف = وقـفــة حــق غيري طق وصارالروحه مـشـقيها
انا والله يــامـنـهــو خـــذا حـقــي لـسل اسـياف = ســيــف وجـــاه في عينه وسـيــف ٍ جــا فـعـاليها
انا بـدعـيـك يــاربي وامـرك بـيـن نــون وكـاف = قـــوم ومــاخـــذه حـقــي ألا فــالــنــار تـصـلـيـها
جعفري اوصاف = المعنى اسم علم لشخص يسنى ( جعفر )
العرض الشجري
