ǁ҈ǁǁǁ تمــوت الناس ما ترحم مشاعر حي ǁǁǁ҈ǁ

[( ســــارب )]

غمزه

مكتوب تمضي سنه وتموت عند الله = واحيا بعدها انا .. .. ( وادوّر ألقاني ) !
بيموت جذع النخل .. بيموت من ظله = والقى شتاتي إذا ( إن الله أحياني ) !

كمان غمزه

من روح همس القوافي جيت لك كلي = لا الغيم يبكي حضور ولا الزمن راوي
تكفين مزنة شقاي بمدمعك هلـــّـــــي = إلى متى والصدر من محجرك خاوي
ابكيك / تبكي رمال القايله ظلــــــــــي = واذكرك/ واذكر يفوح من العشر جاوي

( الزبــــــــــــــده )

تموت الناس ما ترحم مشاعر حي = وانا صوب الضيـــاع لويش وداني
بكيت وصحت يا جابر : تعال شوي = بعدني ما لقيت اسمي وعنـواني
ادوّر في سراب الما عيون وضـي = واطالع في عيون ؛؛ الآه ؛؛ والقاني!

/
/
وافتش ..
بالدروب اللي تجيبك لي..
والاقي صورتك ..
في وسط وجداني!
/
/

حبيبي.. يوم احبك لا تقول خطي ! = انا اخفض لك جناح الذل بالعـــاني
هنا حبر ٍ يلطخني جنــون ؛ وغــي = وهنا صدق ٍ جبر كسري وقيـــفاني

/
/
ذبل صدري ..
وكنت بساعديك الرّي..
تموت عذوق قلبي
وانته الجــاني !
/
/

حبيبي دمعتي عقب الغلا بيـدي = اخذها وانتصر ؛؛ للطهر؛؛ وانساني
انا بطوي معك شرهة غرامي طي = وانا من هالجفا للموت .. وحداني