السلام عليكم ورحمة الله وبركاته
اخواني راعين الكمبيوتر يعلم الله اني لو اشوفكم معرفكم لو تاخذون ثوبي
المهم زبدة الهرج نيشان ولايطول الكلام وفيصلونا الحمران والخظر اللي اشوفهم دايم
هذي القصيده اهديها هي ومتوري اللي مالقيتله زبون -للجميع اخواني وخواتي
وخاصه للشيخ والشاعر سهم القوافي جعل من اخره فالجنه
استلمو:
ياسلام الله سلامن فيه للعراف شاره ==== كنك تشم الخزامى فايح بهبت نسيمه
ياصل لسهم القوافي مكرم لحد داره ==== حيث له في صدر ابو هلال منزال وقيمه
شيخ من لابه عزيزه عرفها قدر واماره === بالشجاعه والكرم والجود ورجال حشيمه
يوم كل للحرايب يفتخر عديت مهاره ==== نعم في ربعه تشرف في فعايلها عظيمه
مسندي واعد عرفه اكبر كنوز التجاره ==== ياعسى راسه سليم وياعسى ربي يديمه
تظهر الاخلاق طيبه والصدق دايم شعاره === وان كتب بيت القوافي يحكم المعنى صميمه
ماتعلم نظمها يكتب من فنون ومهاره ===== بحر وبيوت القوافي تهتويه وتستهيمه
وان نصيته بالكرم والجود شباب ناره ===== يحسن الترحاب لظيوفه كما نزال غيمه
نادر ندرة حبوب اللولوه وسط المحاره ===== للمعزه والرجوله يطلب العليا الشميمه
ياسفير المعرفه والطيب ياسعد السفاره ==== من فعل سهم القوافي تعشقه طيب وشيمه
اخذ من يمنى هليل ددسن بيضاء غماره ==== والهديه ماترد وصافح اليمنى الكريمه
وانتبه يامسندي للدرب خلك راع طاره ===== لايولي بك قليل الفود فحماته قديمه
قيره يعشق ثلاث نمر مافيه استماره ===== والمراتب ياسهم لبستها تيزار خيمه
والمكينه تصرف من الزيت وتقوم الحراره === والقزاز اليا مشيت يدوخك كثرة وشيمه
اخذ هرج هليل وخلك من هبال الحضاره === موتري يطربك شوفه باقي اوصافه سليمه
اعتمر يامسندي واطلع على طيبه زياره ==== وادع لصحيبك هليل يوم قدملك غنيمه
الشاعر راعي الددسن موديل 83 هليل اللي لايمسي ولا يقيل
العرض الشجري
