دلـــة =الشُــعــّـار
هذي قصيدة جبتها للود حاضرنا وغايب= بالسلام ابدى واهل العلم واشرح علتي
ياسلام الله سلام(ن) ياصل إلحد السحايب=قلتها شاعر وانا اللي ماتوقف دلتي
والشريعه دين حق ولا تفـــرّق فالحبايب=كيف ياعذال جيتوا يوم بانت زلتي
كيف شلتوها وانا اللي قلت له والله تايب=ليه شلتوها وحتى قبل لاشفي غلتي
من لمحته غصب عني صرت فالنظرات ذايب=كيف اصد العين عنه عقب بانت ملتي
والحلال اليوم فاربع عد واختار النسايب=وإن بغيت ابدى واثني مالزمتوا ذلتي
احمد الرحمن ربي مامشيت فعلم خايب=بالحلال اقوى واثني والوساع إبفلتي
مانزلت السوق اغازل كل مراره واعايب=ماقضيت الليل ساهر والفساد فشلتي
ولا اسافر للحرام وما أشد إله الركايب=كل يوم(ن)فالمراقص قمت اظهـّـر طلتي
افهموا المعنى وحذرى لاتصيرون السبايب=للشكيله ثم تاصل للحناجر تلتي
هذه القصيدة مكونة من عشرة ابيات كتبتها للتو
فهي قصيدة كانت تيلاد الكيبورد
امل ان تنال على إستحسانكم
فكرتها ان الشاعر متزوج وسبق وان تزوج بثانية فغضبت زوجته
طلق الاخيره ووعد زوجته الا يكرر زواجه
إلا انه حين شاهد اخرى واعجب بها خطبها
فنقل العذال الخبر لزوجته الاولى
هذا ماتخيلته
العرض الشجري
