يابو سعود الحال قامـت تـردّى=مدري علام الحظ نايـم ولا قـام
سبة وليفٍ مابعـد يـوم صـدّى=عني وأنا راجيه عـامٍ بثـر عـام
لا قلت أبنسى عشرتـه والمـودّى=يزيد حبه داخـل القلـب بهيـام
ولا جيت أقرب له دروبي تسـدّى=بيني وبينه وقّف أخـوال وأعمـام
ولو سمحوا باقي البشر له تشـدّى=لا ماسلم من هرج حاسد ونمّـام
لا شفت زوله منّي ... القلب هـدّى=دقه .. ودقه بينهن لحظـة اعـدام
مرسوم بعيوني ... تواصيف خـدّى=من وين ما وجّهت حتى بالأحـلام
عنّدي ولا له ... بالمزايين نـِدّى=وش عاد لو كثروا هلْ الميم واللاّم
واليوم أنا ناصيك منك استمـدّى=نصيحتك وارجوك تسعفني اشمـام
اسعف عليلٍ بيّح اليـوم سـدّى=صبر وكثر الصبر مايفيـد منظـام
من دون خلّه عيشتـه ماتعـدّى=جسمه غدى ماغير جلدٍ على عظام
والخاتمة اسبوع وارجـي مـردّى=اتوصّله بالفاكـس وإلاّ بالأقـدام
العرض الشجري
