( أنا ليا كثرت الاشاوير ما اشير=حلفت ما اتي واحدٍ ما دعانـي )
بيت ٍ نطق به في الليال المغابيـر=شالح ابن هدلان بذاك الزمانـي
حسيت في قلبي هموم ٍ وتكديـر=وقمت أغني به وانا فـي مكانـي
نفسي عزيزه ماتبي منـة الغيـر=والي وطا شالح بعصره وطانـي
ياوجد قلبي وجـد راع المغاتيـر=وخذت وهو ينظر عيانـاً بيانـي
لاصار مالك مع هل الدار توقيـر=أرفع مقامك عن فـلان وفلانـي
تلقى مع الاجناب حشمه وتقديـر=خل الهوان لمن يحـب الهوانـي
اطعوني أكبر من جميع المعاذيـر=قدامها تعجـز حـروف ومعانـي
الا رماك الحـظ بيـن الدوافيـر=اصبـر علـى زمانـك القلبانـي
لابد ماياتي مع العسـر تيسيـر=تفنى المشاكل مثل ما العمر فاني
ماتصلح الشرهه على كل طنجير=الا على الي يفهمـون المعانـي
اهل الوجيه المنورات المسافيـر=يفرح بشوفتهـم قصـيٍ ودانـي
منهم ابوناصر ربيـع المساييـر=حر ٍ ولد حر ٍ عريـب المجانـي
أمير من ساسه وفاخلاقـه أميـر=والشعر يزهابه ومدحـه زهانـي
جبر به المولى قلوب المكاسيـر=ويحل عقـدات الحبـال المتانـي
ماهي علوم مكثريـن التصاويـر=يزعم بعمـره كنـه الهرمزانـي
مايدري أن المال مايكبر صغيـر=ومن دور السمعه لقى شي ثانـي
وختامها صلوا على الهادي النذير=نبينا افصح من نطـق بالبيانـي
العرض الشجري
