الجـــــــــــزء العاشر،،،،،
()()()(بديت تحب بديت تغار,,,بدى قلبك يعيش بنار
بديت تسهرعيونك,,,,عسى الله يكون في عونك أشوفك لاهي وحاير
وشلك يكسرالخاطر,,,,,تحب ومنخطف لونك
عسى الله يكون في عونك,,,,,,جالك منهو يبكيك
يشغل قلبك ويشقيك,,,,شغلك وصارمظنونك
عسى الله يكون في عونك,,,,تفكر منشغل بالك
ولايسرالعدو حالك,,,,غلاك محيرظنونك
عسى الله يكون في عونك()()()(
خوله:مـــــنو؟؟؟!!
رولا:أناأحبه من زمان وكان ودي أخبرج في العطله بس كنت خايفه بس أناشو ذنبي إذا حبيته قولي لي..
خوله عصبت:طيب مــنو؟
رولا:بس لايدري حد بيني وبينج وبخفي حبي الطاهر بقلبي..
خوله:وعد ماراح أخبر حد بس منو؟
رولا:تركي صديق طلال..
خوله:لاأنتي تخبلتي يارولا..
رولا:هيه تخبلت بحبه..
خوله:كيف بيدري بحبج ومصيرج ضحية صمت..
وظهرت خوله وجلست رولا تصيح رولا بخاطرها:مستحيل كيف وحده ثانيه تاخذه مني تركي لي أنا وبس..
في الاستراحه..
كان فيه طلال وتركي وهشام..
طلال:تركي شو أستوا عليك..
تركي:إلى الان من الشرطه إلى المحكمه والعكس..
هشام:يعني تتوقع مين؟
أحمد:شو السالفه!
طلال:فيه واحد مكسر سيارته..
سعيد:متى ووين؟
تركي:ب15رمضان وعند بيت أبوطلال..
أحمد:طيب ماتدري مين..
تركي:لا وكل يوم بالمحكمه..
دق جوال طلال وكانت مرام..
ظهر برع طلال:نعم!!
مرام:أخبارك طلال وش دعوه وش سويت لك تتركني..
طلال:زين أنج دقيتي عندي لج موضوع..
مرام فرحت:شنو..
طلال:أبي صورتج..
مرام استلعنت:ماأقدر بس أجيب لك صور صديقتي اللي كلمتك..
طلال:شو أسمها..
مرام:أقولك بس ترضى علي..
طلال:أناراضي عليج بس قولي..
مرام:أسمها رحاب ال.....
طلال:عيل ييبي صورها وإذا عندج أي شي أبفضحها..
مرام:خلاص وين أشوفك..
طلال:حطيهن عند محل خالي أسمه الألماسه للاكسسورات بطريق .....وأنابأخذهم..
كانت دلع في المطبخ تسوي حلا......دخلت امها عليها..
ام خالد:يمه دلع خلصتي..
دلع: ايوه ماما بروح اتسبح وألبس..
ام خالد:زين استعجلي قبل لايجون..
دلع:اوكي وراحت دلع..
ام خالد:جليكا..
جليكا:نعم ماما..
ام خالد:شوفي من عند الباب..
جليكا:ان شاء الله ماما..
وراحت جليكا وفتحت الباب وردت لام خالد..
جليكا:مدام ماما متعب يجي..
وراحت ام خالد تستقبلهم..
نوره تكلم ام خالد:خالتي وين دلع..
ام خالد:فوق روحي لها..
ام متعب:خذي عبايتك يمكن فيه احد من العيال..
نوره:لا بدق عليها..
روان:انا بروح اناديها..
وقامت روان بتنادي دلع بعد ماوصلت الدرج تذكرت إنها ماأخذت عبايتها وقالت ان شاءالله مافيه احد وطلعت تركض وبنفس الوقت طلعت دلع من غرفت امها وروان سمعت صوت الباب وخافت يكون احد من العيال وراحت تركض لغرفة دلع وشافت الباب مفتوح ودخلت بسرعه وسكرت الباب وتسندت عليه وهي مغمضه عيونها وماانتبهت لمشاري اللي كان بغرفة دلع بيطلع؟ مشاري كان يطالعها مو مصدق هاذي مو نوره هاذي كانها روان يذكر ملامحها وهي صغيره...
روان وهي مغمضه عيونها:دلع يالخايسه شكل فيه احد من اخوانك شافني..
وسمعت احد يحاول يكتم ضحكته وفتحت عيونها ؟؟؟وانصدمت!
تمنت الأرض تنشق وتبلعها
روان فتحت الباب وتخبت وراه..
مشاري:اموت انا باللي يستحون وابتسم وطلع..
روان ماتدري هي مستحيه اومستانسه انهاشافت حبيب القلب وسمعت صوت باب تسكر وتأكدت ان مشاري دخل غرفته مافيه احد طلعت ونزلت تركض ودخلت بالمجلس اللي جالسين فيه وشافتها نوره..
نوره:روان ايش فيك ليش تركضين؟
روان تحاول تخفي توترها:لابس خفت احد يشوفني..
روان حبت تغير الموضوع وشافت دلع:وين كنتي رحت غرفتك و.....<روان خافت ان دلع تدري ان مشاري بغرفتها>
....ووين كنتي؟
دلع تذكرت ان مشاري بغرفتها وضحكت:كنت في غرفة امي ياحلوه..
روان عصبت وغيرت الموضوع عشان ماحديشك:ايه شخبارك يالدبه..
دلع ابتسمت:الحمدلله بخير...
وقامت دلع تقدم الحلا..
نوره:دلع انا لاتعطيني الا اخر وحده عشان بقضي عليه..
وضحكوا كلهم على نوره وحركاتها..
جود:ثامر يقول انتي دبه بس تاكلين حلا..
الكل:هههههههههه..
ظهرن البنات في بيت الشعر برع..
سلمى:من زمان عن الجمعه..
رولا:صدقتي..
منار:بنات أبقولكن فيه واحد تقدم لي أسمه طارق ال....
خوله:اخيرآ عندنا حد بيعرس..
منار:ماأستوا شي بعده..
رولا:لا عندنا عرس نوال بنت عمي..
خوله:مبروك..
رولا:الله يبارك فيج..
ودشوو الشباب يايين من الاستراحه..
كلهم سارو داخل إلاأحمد وسعيد...
دخل أحمدوسعيد لبيت الشعر والبنات تغشن..
سعيد:مافيك رقاد..
أحمد:تو الناس أجلس..
سلمى:لا تعال أجلس هنا أنت وياه ظهروبرع..
أحمد:هلا ببنت خالتيه أخبارج..
خوله:أحمد عيب عليك أظهر..
سعيد:بس أنتي وياها أظهرن أنتن..
منار:ماراح ياكلونج أنا أباأيلس مع عيال خواتيه..
رولا بصوت خفيف:خلونانظهر..
خوله:لا ماراح نظهر وأنا أراويك ياسعيدوه..
سلمى:حطي على فلم ولاتردين عليهم..
خوله:سلمى شو أسم سعيد بالبلتوث..
سلمى:فــــــــزاع..
خوله:تجوفين الفزعه لمنو..
أما أحمد ماأعجبه وضع رولا وظهر وبقى سعيد..
سعيد:مين غزاله صعب صيدي..
سلمى:أستقبل وماعليك منو..
أستقبل وفتحها وكانت..
<أراويك ياسعيدوه> وعرف أنهاخوله وردلها <ولا تزعل وتتعب شعورك أنابظهر عسب عيونج بس أبي رساله حلوه منج>..
وأرسلت خوله له..
<ياواحش روحي
وشلونك؟؟..
وكيف الدنيا من دوني
أنا ...
دنياي من دونك حزينه ..
مالها معنى !!..
وحالتي ترى بعدك ياأغلى الناس ماتسرك ذبحني البعد الجارح ..
و
طول الليل
وسكوته
أفكر في أغلى أحبابي وكيف العمر من دونه ؟.. وكيف أسمه يضم الحب في كل أوراقي وكتاباتي ..
ياأغلى الناس وشلونك
أنا مشتاق لعيونك ..
أصلآ أنا ماأحس في الدنيا إلا
إذا لمتني عيونك
"وحشت
قلب
مجنووووووونتك"...(لأصحابه)..
وسعيد من الفرحه قام وباس منارعلى راسها وظهر ومنار أنواع التعجب:شو بلاه..
البنات:ههههه..
في سيارة فيصل...
كان ماجد صديق فيصل سرحان
وكان فيصل مبطل على إف إم
ويغني معاه عايش جو وقف عند اشاره وشاف ماجد سرحان..
فيصل:ماجد..
ماجد:.........
فيصل:ماااجد..
ماجد:.........
فيصل سكر الراديو وهنا انتبه ماجد علي فيصل:وش فيك؟
فيصل:وين وصلت ياخي من الصبح وأنا أنادي عليك لكن اللي خذا قلبك يتهنى فيه..
ماجد بإحتقار:يخسي الا هو..
فيصل:ومين هو..
ماجد:فيصل أنا بصراحه ماارتحت لوليد..
فيصل:أي وليد..
ماجد:هذا اللزقه اللي يجي لاستراحه وانت معطيه وجه..
فيصل عرف ان ماجد اكيد شاك بشي اوشايف من وليد حركات مالها داعي ومايبي يقوله ولا خايف ان وليد يتقرب مني أكثر منه أنا اعرف ماجد اذا حب اي شخص يبي يملكه لوحده الله يستر...
طلال جالس يفكر يدق على رحاب أولا...
طلال بخاطره:أسير أنا واخذ الصور وأجوفهن لا يكفي أن البنت وثقت فيني أبدق عليها..
ودق عليهاأربع مرات أخرشي ردت أخيرآ..
طلال:ألووو
رحاب:هلا مين معي..
طلال:أنا طلال بس بقولج كلام وبسكر..
رحاب:معليش كنت أحسبك واحد غلطان و تفضل خيرإن شاءالله..
طلال:بس بقولج يبت لج الصور وكل شي يخصج من عندمرام..
رحاب:مشكور والله اللي سويته مايسويه أخوي مقدر وشلون أشكرك بس أوعدك ماراح أنسأك بدعواتي....
طلال:ماسويت شي وإذاتبين شي لاتستحين أعتبريني أخوج بس أبقولج تلقين أغراضج عند الألماسه للاكسسورات حق خالي في....وأوعديني تتركين مرام وتدورين لج صحبت خير...
رحاب:آيوه أعرفه وأوعدك والله يجزاك عني ألف خير..
طلال:آمين وياج ويالله مع السلامه..
رحاب:الله يسلمك..
في بيت أبوسلطان..
في الصاله...
أم سلطان:شو أستوا سألت عن الولد..
أبوسلطان:يمدحونه أبن الحلال خلاص رديلهم..
أم سلطان:أباخذ شور منار وخواتها..
لطيفه:شو السالفه..
أبوسلطان:فيه واحد سعودي متقدم لمنار ويمدحونه شو رايكم..
فاطمه:الشور عند منار..
ظبيه:لاتترددين عسب سعودي ترى والنعم فيهم خليج شراتي..
منار:أنا موافقه..
الكل:مبرووووك..
منار:الله يبارك فيكم..
ودقت أم سلطان على أم طارق...
أم سلطان:السلام عليكم..
أم طارق:وعليكم السلام..
أم سلطان:معج أم سلطان أدري تأخرت بس أبشرج البنت وافقت ..
أم طارق:الله يبشرك بالخير والله مستحيه منك بس الولد يبي يشوفها النظره الشرعيه..
أم سلطان:حياه الله حتى أنتي تعالي شوفيها..
أم طارق:إن شاءالله متى تبون نجي..
أم سلطان:متى ماتبون..
أم طارق:أجل بكرى بعدصلاة التراويح..
أم سلطان:حياج الله وماأطول عليج..
اليوم أول يوم من أيام العشر الأواخر من رمضان...
كان الكل مجتمع ببيت أبوفهد
أبو نايف_أبوخالد_أبوطلال_روابي_وكان بنفس اليوم وصول ساره من أمريكا...
أم فهد:أخباركن يابناتي ماتعرفن تجن عندي...
رولا:أفاعليج يايدتي بس تعرفين كان دراسه وصيام بعدين عطلنا ويو خالاتي وإنشغلنا معهم بس أوعدج اليوم بنرقد عندج..
أم فهد:وأنتن ماأنتن نايمات عندي..
نوف ودلع:خلاص بنام..
أم فهد:أتصلن التراويح أولا..
نوف:إلاياجدتي نصلي..
أم فهد:من منكن ختمة القران؟
دلع:أناختمته مرتين..
نوف:وأنابعد وبحاول أختمه مره ثانيه..
رولا:أناكل عشر أيام أختمه وختمته مرتين وأبختمه الثالثه إن شاءالله..
أم فهد:كفو يابناتي وأبيكن تصلن القيام علشان الله يغفرلنا ويرحمنا ويجعلنا من اللي تعتق رقابهم من النار..
الكل:آمين...
أم فهد:قومن قلطن الفطور..
نوال:ماأوصيك جدتي أكرفيهن مادامهن بينامن عندك..
أم طلال:الله يعافيج ياخالتي حني شعورهن للعيد لان رولا رافضه تحط حناء..
أم نايف:آيه صادقه أغصبيهن لان أمس تقولي نوف أبصبغ شعري للعيد..
في21 رمضان وفي مطارالملك خالد بالرياض وصلت رحلة نيويورك..
الساعه 6:45مساء
خالد:الحين أنت ماتقولي ليه ماخذنا معاك للمطار بالوقت هذا..
فيصل:أي والله ليه..
عبدالملك وعينه على البوابه:صبروا أنتم راح تعرفون..
فيصل لفت نظره شخص:خالد هذا مو راكان..
عبدالملك بحماس:وينه..
فيصل تركهم وراح يحضن راكان ووراه عبدالملك..
خالد بخاطره:هذيلا وش فيهم قاموا يهلوسون خليني الحق عليهم..
ويلف على جهتهم ويلقى عمته ساره وعيالها وراح يسلم عليها..
في بيت أبوفهد..
وصلوا سيارتين سيارة فيصل فيها الشباب...
وسيارة عبدالملك فيها أهله..
في السياره..
عبدالملك:يبه خوالي مجتمعين تروحون لهم أول ولا ماتجهزتم..
أبوعبدالملك''عبدالله:شو رايك ساره؟
ساره"أم عبدالملك:لا نروحلهم..
عبدالملك:توكلنا على الله..
في بيت أهل رحاب..
رحاب:يمه أبروح أشتري لي أكسسوار للعيد..
أم رحاب:من بيوديك؟
رحاب:مع سواق خالتي وبتروح معي فطوم<بنت خالتها>..
أم رحاب:خلاص بس لاتتاخرون..
رحاب:إن شاءالله..
وراحوا وأخذت الأغراض ورجعت..
وهنا تنتهي رحاب ومرام من حياة قصتي..
رحاب تركت مرام وتابت إلى الله وصارت مع بنات خالاتها وعماتها..
مرام كلن تخلا عنهاوصارت وحيده حتى الشباب ألعبوبها لعب وأهلها أنعدمت الثقه فيها عايشه وحيده بالهدنيا...
في بيت أبوفهد...
عند الحريم...
دخلت ساره وقام الكل يسلم وصاحت أم فهد لانهامن زمان ماشافت بنتها..
أم فهد:شلونك يايمه..
ساره:الحمد لله بخير أنتي بشريني عن صحتك..
أم فهد:الحمدلله بخير..
وأول ماشافت روابي ضمتها وصاحت..
ساره:سمعت ياروابي أنك حامل مبـــــروك..
روابي:الله يبــــــارك في حياتك..
أم نايف:الحمدلله على السلامه.
ساره:الله يسلمك..
أم طلال:مبروك على الاستقرار إن شاءالله..
ساره:قضى عمري وأناأنتظر هاليوم..
أم خالد:خلاص مانتم راجعين إن شاءالله..
ساره:أيه خلاص بس باقي أوراق تجي..
رقدوا رولا ونوف ودلع وعمتهم ساره وروابي عند جدتهم...
راحت أم فهد وساره فوق يرقدون وروابي والبنات جلسن بالصاله تحت وضحك وسوالف وتقولهم رانيا عن أمريكا..
والبنات ماقصروا أرسلوا الدريول وجاب لهم حلويات وشبس وعصيرات وفللللوها..
وناموا بعد صلاة الفجر لان رانيا تعبانه بعد الطريق..
في بيت أبوسلطان..
اليوم بتجي أم طارق وأخته أروى وأريام وطارق بيشوفون منار...
منار:شو ألبس؟
لطيفه:أنايبت لج جلابيه من الأمارات..
منار:مشكوره وينها أبشوفها..
لطيفه:خوله سيري يبيها..
خوله:إن شاءالله أمايه..
سلمى:أنابظهر وألعبواعليهم قولوا أنامنار..
منار:موبكيفج..
سلمى:مالت عليج أنتي وطارق..
خوله:تفضلي خالتوا..
لطيفه:منار سيري لبسيها..
أم سلطان توهاجايه:وين منار وين سارت..
فاطمه:اللحينه بتيي..
أم سلطان:خوله سيري سوي الحلو وأنتي ياسلمى زهبي الفواله..
خوله:فديتج يدتي بتأكلين الحلو..
وتدخل منار:شو رايكم؟
فاطمه:حلوووه عليج..
خوله:بتخبل بطارق..
منار:وجع بسم الله عليه..
سلمى:وربي جنااااااان ومن جد تخبل..
أم سلطان:من ويلج هالزين..
منار:من لطيفه فديتها وعسى الله لايحرمني منها..
لطيفه:أنايايبه للكل وحبيت أخبيهن للعيد بس منار ماتدري شو تلبس وظهرتها..
أم سلطان:مشكوره ماتقصرين ياأمي..
<أماشكل منار فكان جنااان جلابيه عنابي بأخضربنفسجي ومديلهاحلو ضيقه من عند الخصر وفيهاشك ذهبي بأخضر وحطت ميك اب خفيف وسيحت شعرها وكان طوله إلى نص ظهرها تقريبآ>
في بيت أبو طارق..
بعد صلاة التراويح..
طارق:يمه بسرعه تآخرنا..
أم طارق:وش فيك أثقل أنت مو طايره البنت..
أروى:بيموت إذا ماشافها ياخي ملك وفكنا..
طارق:لوبيدي كان اللحين أخذه معي ونملك بس حكم القوي على الضعيف..
أبوطارق:أنت شوفها الحين بعدين نملك..
طارق:إن شاءالله وخمس دقايق إذا ماطلعتوا أبمشي..
أم طارق:أروى نادي أريام بسرعه..
عائله أبوطارق..
طارق..25ويشتغل..
أروى..20بالجامعه..
يزيد..18بثالث ثانوي..
أريام..16بأول ثانوي..
ليان..5سنوات ومتعلقه بطارق بقوه وهوبعد يحبها..
ورجعت رولا لبيت خوالها ولقت متجهزين ولابسين وأستغربت شو عندهم..
رولا:شو هالكشخه ياخالتيه..
منار:بالله حلو شكلي؟
رولا:يينن بس شو فيه..
سلمى:بيي حبيب القلب..
رولا:صج وافقتي..
منار:هيه وسيري لبسي عسب يخطبونج ليزيد..
خوله:ليش يعني رولا يمكن يخطبوني أنا..
رولا:لا أنتي لسعيد شو دخلج..
خوله:ماندري شو أخباره بعد المسج أخاف أستخف..
سلمى:وش يسوي أخوي يحبج شو كبره يزيد؟
منار:18سنه بثالث ثانوي..
رولا:لا صغير ينفع لسلمى..
سلمى:أوريج يالسباله..
رولا:بسير ألبس قبل ماييون..
بيت أبوسلطان..
بالحديقه..
غلا:أمـــــــــــــــدان فكني..
سمر:بخبر عليك خاليه سلطان..
حمدان:عبالج خوفتيني..
سارت غلا تصيح وبتخبر سلطان على حمدان ولحقتها سمر..
سمر:خاليه جوف حمدان يشد شعري ويطقني أناوغلا..
سعيد:الأخ مسوي فيها قوي..
غلا تكلم أحمد:أنت دوف أخوك يدقني..
الكل:هههههه..
أحمد:وين حمدانوه..
وقام أحمد وشال غلا على كتفه..
سلطان:تعالي سمر أناأوريج بحميدان..
وطلعوا ويدورن عليه مالقوه..
أحمد:وين سار السبال..
سمر:شوفه عند الباب..
وساروا عند الباب وكان جالس ولاعلى باله..
أحمد:ليش تضرب الحلوات ياسبال..
حمدان:ليش مايلعبن معي أناماأحب الدلوعات..
سلطان:هذي أخر مره أشوفك تمد يدك على الدلوعات..
وجلس يصيح حمدان وظهر اللي بقلبه:أناماعندي بالسعوديه شراتي عيال ألعب معهم بس بنات ونحن في الأمارات نلعب بالدراجات مع عيال الييران..
وهم يالسين بالشارع وتوقف سياره فخمه وأستغرب الكل..
ونزل واحد وسيم وطويل وأسمر وقرب من عند الشباب..
........:السلام عليكم..
أحمدوسلطان:وعليكم السلام.
........:منزل حمدان ال...
سلطان:نعم منو معي..
طارق:معك طارق ال....
حمدان:جذاب هذا موبيتي بيت يديه..
الكل:ههههه..
أحمد:حمدان درعم داخل لااصفعك..
سلطان:تفضل طارق حياك الله..
طارق:معليش بس معي الأهل.
سلطان:دش بالسياره داخل عند الباب اللي جدامك..
ودخل طارق ودخلوا الشباب...
بيت أبوسلطان:
عند الحريم..
دخلت أم طارق وبناتها وسلموا على أم سلطان وظبيه ولطيفه وفاطمه وجلسوا...
أم سلطان:حياكم الله تو ماأنورت..
أم طارق:الله يحيك..
أم سلطان:ماشاءالله شو أسماء الحوريات..
أم طارق:هذي أروى بالجامعه وهذي أريام بالثانوي والقعده ليان..
فاطمه:جم عندج عيال..
أم طارق:بس طارق ويزيد بالثانوي وأنتي كم عندك..
أم سلطان:هذي فاطمه ولطيفه وظبيه ومنار وسلطان..
سارت ظبيه ويابت القهوه وقالت للبشكاره تسير تنادي البنات...
ططق طق طق..
سلمى تفتح:شو بلاج..
البشكاره:تقول مامابسرعه تعال ناس في سير..
سلمى:بسرعه أنتي وياها..
منار:خلاص شكلي مافيه شي معفوس..
رولا:تخبلين بس خلنا نسير تحت..
ونزلوا تحت وكانت منار خايفه بالقوه..
ودخلوا وسلموا البنات..
أم طارق:أخباركم بنات..
الكل:الحمدلله مانشكي باس..
لطيفه:شكلج ماعرفتي منار..
أم طارق:لاماشاءالله كل وحده أحسن من الثانيه وكبر بعض..
أم سلطان:تسلمين وهذي منار..
أم طارق:ماشاءالله قمر والله وعرف يختار ولدي..
منار مستحيه:تسلمين..
وتعرفوا البنات على بعض ومنار أستانست أن طارق عنده خوات..
عند الشباب ببيت الشعر...
جلسوا سوالف وضحك وأستانسوا مع بعض وكانهم يعرفون طارق من زمان..
أحمد:والله ياطارق أن طلال مخربها..
سعيد:مره كنت أناوياه بمجمع بدبي وكان فيه بنات يالسين باكوفي شوب وقرب من عندهم ويلس الرقم على الطاوله وبيسير إلاوتزقره وحده من البنات وقالت له تعال يوم قرب وتفسق بويهه<تتفل>
ونضحك عليه وعلى طول ظهرنا من المجمع بكبره..
طارق:ههه والله أنك منت صاحي شو سويت فيها..
طلال:رديتها لها ومشيت..
الكل:هههه..
ويدخل عليهم أبوسلطان وأبوأحمد وأبوطلال..:السلام عليكم.
الكل:وعليكم السلام..
وقام طارق وسلم عليهم وحب راس أبوسلطان..
أبوسلطان:أخبارك ليه أبوك مايا وياك..
طارق:لاأبوي عنده شغل وقال أعتذرلي منهم ومعي الأهل..
أبوسلطان:ها أخبارالشغل..
طارق:والله الحمد لله ماشي..
وتدخل غلا وبعدها سمروليان يركضون..
أبو سلطان:شو عندكم؟
سمر:حمدان يضربنا..
أحمد:شو بلاه هذا اليوم..
أبو أحمد:سيري قولي له يي أباه..
وساروا وخبروه وجذبن عليه عسب يجي..
ويدش حمدان والبنات..
أبوأحمد:تعال أبوي أباك ليش تضرب البنات..
حمدان:شوف أبويه نبااا نرد للأمارات..
أبوسلطان:ليش..
حمدان:لان بالامارات عندي ربع وهني ماعندي حتى هذا يايب بنت ماياب لي ربيع..<يقصدطارق>
طارق:ماعندي أخو إلاكبير..
أبوسلطان:خلاص باجر بنسير المزرعه وبخليك تركب الدباب والخيل..
أبوأحمد:وأنت ياأحمد ماأسمح لك تظهر إلاوتأخذه معك..
غلا:وأنابسير مع طلول عندتوتو.
أبوطلال:هذا اللي ناقصني بنات أخرزمن..
أبوسلطان:خلاص حبايبي أظهروا برمس الريال..
حمدان:إن شاءالله يديه..
أبوسلطان:أقول طارق تباا تشوف البنت..
طارق:ياليت ياخال..
أبوسلطان:قم ياسلطان خبر أهلك..
سلطان:إن شاءالله أبويه..
عندالبنات...
سلمى:بسرعه الولد طفررررررر..
رولا:ترى طارق ماياكل..
منار:بسم الله ودشت ومعهاعصير..
بالمجلس دش طارق وسلطان وبعدهم منار..
منار مستحيه:سلام..
وإلى الان ماجافته لانهامنزله راسها..
طارق:وعليكم السلام..
سلطان:ماودج ترفعين راسج..
أماطارق حدث ولاحرج عقله طار..
طارق بخاطره:أيه هذي اللي عند البحر آااه تجنن ياناس قمر بكرى أبملك خلاص ماأتحمل..
طـــــــــــــــــــرررراخ
تتوقعون مين الي طاااااح؟؟؟؟؟؟
تتوقعون تكمل الخطبه؟؟؟؟
العرض الشجري
