أهدي لك الشوق و إللي أهدي لك أسبابه..
و إلا علوم ورا ضلعي مغبيها..
من فرحتي بك فتح لك قلبي أبوابه..
يا مرحبا و حي من روحي يسليها..
الصاحب اللي علينا متعب إركابه..
إنحن له حنة الضامي لساقيها..
أنا أشهد أنه لطيف الروح يا لا به..
يسبي جماله و عينه من يقاويها..
متميز عن جميع الناس ما شابه..
فيه الجراءه وعزة نفس تحميها..
و إللي سباني لوصله ود أحضابه..
أقرا بعينه حروف هو يداريها..
لهفة خفوق و نظرة عين و أهدابه..
كل الدلايل على وده ألاقيها..
تخفى بقلبه علوم ونار شبابه..
هم قديم وجرح الحب يدميها..
ناجت عيونه عيوني وقلت حيابه..
يسكن بقلبي و عيني هو يجديها..
خذ من الوعد.. عهد أموت و أحبابه..
أصون لك صادق الإحساس تاليها..
أهدي لك الحب يوم إن بانت أسبابه..
بانت علوم بقلبي كنت أغبيها..
مع تحياتي
العرض الشجري
