لحى الله سـاعة الفرقى تولّع بالحشاشه نار= أخفّي الحزن في صـدري وبيّن دمعي الحاير
أحس الحزن يطويني وكن الجوف به مسمار= وكن القلب من شوقي شبك في ريشة الطاير
يزيد الحـزن يوم إني اناظر في نواحي الدار= أسلّي النفس عـل إنه يعـود لصاحبه باكر
ألا ياطير ياللي فـوق في عـالي السما مرّار= سـلامي للغضي تسليم وافـر صادق عاطر
سـلامي للـذي مـنه العطور الغاليات تغار= وبلّغه السلام العـذب في الأول وفي الآخـر
سلامي عـد ماسالت دمـوعي ذارفه مدرار= وعـد الغـيم والرعـاد والبـراق والماطر
سلامي عد ماسـارت ركايب تقصد الأسفار= سلامي لبهي الوجه راعـي المنطق الساحر
ألا يـاونتي ونـة غـريب تـارك للـدار= تناحت به مقاديمه على فـرقى الأهل صابر
ألا ياونتي ونة سـجين داخـل الأسـوار= ثمان سـنين محبوس وخصمه قاسي جاير
ألا ياونتي ونـة صقور في قفص صـقار= ولا حيله لها في الجـو غير تشوف وتناظر
ألا ياونتي ونة بـدو ماحصلوا الأمطـار= سنه يرجـون رب العرش ينزل غيثه الوافر
ألا ياونتي ونـة سقيم يعـاني الأمـرار= وهـو لله رب الكـون حـامد صابر شـاكر
أبطلب من بتدبيره تصيرن الطوال قصار= إلـه عـالم اللي صـار واللي باكـر صاير
يلم الشمل سـبحانه عظيم ومقتدر جبار= ونرجـع مثلما كنا يصـافق بحـرنا الزاخر
العرض الشجري
