المملحـــــــــــــــــــــــــــه!!!!!!!!!

[الـضـامـي]

السلام عليكم ورحمة الله وبركاته
أسعد الله جميع أوقاتكم بالخير والبركاااااااااات
هاذي أول مشاركه لي في هاذا القسم وارجو ماتكون الأخيره :::::::
ومشاركتي عباره عن طبخه نسويها حنى يالشباب أذا طلعنا للبر ولللأسف الشديد ماجبت صور وسمحولي لكن وعد مني أني أذا شفت تجاوب ومشاركات منكم أني راح أنزل صور بمشيأت الله 0
الطبخه أسمها (( المملحه)) مع تشديد على حرف الميم الأول والثاني معاً0
وهي عباره عن الطبخ على الملح فقط بدون ماء!!!
وشلون أقولكم السالفه 0
تجيب أو تجيبين قدر يكفي لي حوالي أربع أشخاص وبالعربي حق البيت العادي حق الغدى0
وتحطين كيس كامل من الملح الخشن وتفردينه لين يصير شكله كله متواسي على مستوى القدر بعمق حوالي 2سم وبعده تجيبين بصل على حيله يعني لاتشيلي منه ولا شي (( لاتقشريه )) أوكيه 0
وتضعينه على الملح مباشره (( ملااحضه مهمه جداً لاتغرسي البصل في الملح غرس بس حطيه على وجه الملح ))0
ولازم يكون البصل كافي يعني يغطي جميع واجهه القدر وبعده حطي الدجاجه (( الصراحه أنا ماجربت الا الدجاج ماجربته بالحم)) بعد ماتكوني متبلته والتتبيله كالتالي::::00
1_واحد فلفل رومي (( الفلفل البارد المدور)) كبيره راهيه يعني0
2- بصله متوسطه الحجم
3- طماطه حليله متوسطه برضوه
4- دبس الرمان متوفر بجميع محلات السوبر ماركات
5- ثوم لرغبه
6- زيت أي زيت بس مايكون زيت زيتون
7- نص كوب ماء على شان تصير التتبيله رااايبه 0
الطريقه 0
حطيهم بالخلاط زخلطيهم لين يصيرو زي الماء وحطيهم على الدجاجه بعد ماتكوني فاتحه صدره نصفين بس بشويش على الدجاجه المسكينه!!
الوكاد وسوي بصدر الدجاجه شويت شروخ بالسكين على شان تشرررب النكهه على فكره الدبس حق الرمان ماهو ضمن الي يخلط بس يمسح به على كامل الدجاجه بدل التوابل الثانيه يعطيه نكهه حلوه ولون بعد0
وخليها نتقع بالخليط السحري حوالي ساعه كامله وبعده شيليها بين يديك وتأكدي أنه مابه ولا قطره ماء يعني حاولي تعصريها بيديك شوي لين ينزل منه أخر قطره من التتبيله وعلى طول على القدر وفرشيه فوق البصل الي بالقدر وحطييه على النار بعد ماتكوني غطيتي واجهه القدر بقصدير وحطيتي الطباقه حقت القدر وحطي شي يثقل على الطباقه على شان مايتسرب الهوى ولعي النار تحت القدر على نار عاليه جداً حوالي من 5 الى عشر دقايق لين تسمعي صوت طقطقه الملح وتجيك أول ريحه من المكونات بعد ذلك أقصري النار وخلي الطبخه على نار أقرب ماتكون للواطيه ونتضري حوالي 40دقيقه وبعده طفي النار ونزلي قدرك وشوفي وشلون صارت دجاجتك !!!
ورفعي الدجاجه بحذر شديد لي أنه راح تكون ذااايبه على شان ماتقطع ولا يخرب شكله وبعده براس السكين نقزي البصل الي صار تحتيه أسود من حراره الملح وشيلي الجزء الي كان منغرس بالملح طعمه خبااااال وربي
فيه شي ودي أقوله الي هو أن الفدر يعني ماراح تبلشي في فركه ولا شي أهم شي ماتخلي الملح يبرد بالقدر يعني بعد ماتشيلين الأغراض أقلبي القدر على منشفه ولا على أي شي وشويت طق على ظهر القدر وراح تطيح مجموعه واحده على شكل قرص كبير ويصير القدر من داخل كأنه جديد والله بس يبيله شويت غسل وعلى كيف كيوفك
أيه نسيت يااربي كل شوي طالع لي شغله المهم الدجاجه لازم تملحيه بعض الناس يخاف لما يشوف كميت الملح يقول وين أنا صاحي أملح لي أن الملح الموجود بس على شان يطبخ الدجاجه يعني بدل الماء 0
ودمتم سالمين0
ومع الشيف / طالب والأكل الذ
أيــــــــــــــــــه باااااااااااايـــــن مـــــن جـــنــبــه
أتمنا أني جبت شي موفيد
تحياااتي للجميع بدواام الصحه والعافيه