من المسؤول ..؟.! وكيف يكون الحل ..؟.!

[نســ ليل ــايم]

السلام عليكم ورحمة الله وبركاته


صـبـــاحـ \ مــســـــاء الورد على اعضاء الود


فيه قضيه دائما تطري على بالي

قضيه طفشتني انا شخصيا من كثر ما اشوفها وانا ماعشتها

قضيه خلتني غصب ادور لها حلول بنفسي عشان استفيد وافيد

القضيه هي خجل المرأه الزائد عن حده لدرجه توصل الزوج للمل والضجر

مثل ما الكل عارف ان الحياء خصله من الايمان

وحلاة الانثى في خجلها

لكن القضيه هي خجلها الزائد عن حده

انا تقريبا مثل اللي سويت بحث واستفتاء عن خجل المرأه الزائد عن حده

وصار هالحكي مع الرجال والحريم

صار 90% من الرجال يطفشون من الموضوع هذا

و70% من النساء رافضين هالشي

والكل أيد حلاة المرأه بالخجل لكن مو بهالطريقه

اضرب لكم مثل من امثله كثير مرت قدام عيني

واحد راح خطب وشبك وتملك وتزوج

اول ليله طبعا ينسى انه يسمع صوت زوجته وهذي غصب عنها

طيب باقي الايام ........!!!

يستمر الخجل

لدرجة انه مايقدر يشوف منها ما احله رب العباد

يتمنى يسوي معها اشياء كثيره لكن تقابل رغباته بالرفض ليش

بكل اختصار ((( انا استحي )))

مثلا

يتمنى انها تلبس له اشياء مايشوفها الرجل على المرأه الا اذا كانت زوجته مع كذا ماتلبس

لانها تخجل

باللحظات الحميمه يلاقيها زي الصخر مع انه يتمنى انه يمتعها ويتمتع معها بس مايقدر

لانها تخجل

يتمنى يشوف الدلع يطلع منها عليه بس مايشوف

لانها تخجل

يتمنى انها تدلعه وتقوله وتقوله وتقوله زي الحبايب بس مايسمع

لانها تخجل

يتمنى انه يشوف جسمها يتمايل بالرقص ويستمتع به بس مايقدر

لانها تخجل

وغيره وغيره وغيره

من الامور اللي تخلي الزوج يدور الاشياء هذي وغيرها برى

ليش ينصب اهتمام الكثير من النساء في المطبخ وترتيب البيت والاولاد اذا جوا

ليش مايكون للزوج اكبر نصيب من الاهتمام

لان من اللي اعرفه واللي سألت واستفسرت عنه

ان الرجل مو كل اهتمامه بطنه ونظافة بيته وملابسه

للرجل تطلبات ثانيه غير هذي وهي ((( ذاته المهمشه )))

في نهاية الموضوع

ابي اشوف أرائكم عن............

من السبب في خجل المرأه برأيكم

1- هل هو من البيئه التي كانت محيطه بها..؟
2- هل هو انعكاس لمعاملة والدتها لوالدها..؟
3-هل هو من الزوج نفسه..؟
4- هل هو فقر الثقافه الزوجيه بحياة المرأه..؟
5- هل هو بسبب انتقادات الزوج المستمره على خجلها مما يزيدها خجل من خجلها السابق..؟
6-هل هو من عدم قدرة الزوج في الوصول للباب الذي يغلق فيه موضوع الخجل الممل..؟
او ماهو السبب برأيكم....!
وكيف يمكن ان يتعامل الزوج مع زوجه من هذا الطراز..؟
وكيف يمكن معالجة الامر..؟