ويلاه من هــم(ن) برى الحال ويلاه
قــامت علي صروف بـقـعـا تــوالي
***
يهــزني جــرح الـزمـن واتــحداه
ويجــدد اللحظات في وسط بالي
***
يـمــرني طيــف الحـبـيـّب وذكراه
واحاول أصــرفها ولانــي بسالي
***
الضلع الأحــدب ساكن(ن) في حناياه
وبــني له بـوسط الحشا قصر عالي
***
أنا زرعــت الحــب بالقلب وارعــاه
واسقيه من دمع(ن) على الخد سالي
***
وأنا عطيته عهــد صادق ومعناه
أمــد له حبل الــوفاء والوصالي
***
ولو ابعدتني عنه في يــوم دنياه
ولو فرقتنا ســود بعض الليالي
***
ببقى على عهـــد الوفاء واتحراه
لا بــد من يوم(ن) يجي ويعنالي
***
أغليه أنـــا والله يــا شيــن فــرقاه
ومهما يــغـيـب أقــول والله غالي
***
وإن قلت أنا بنساه والله ما انساه
لين التــرايب فــوق قبري تهالي
****
مهآآآآآآجرة
العرض الشجري
